MAK: Pokiston va Hindiston havo hududidan o‘tish bo‘yicha barcha taqiqlar bekor qilindi

Foto: KUN.UZ

Milliy aviakompaniya tomonidan tarqatilgan ma'lumotga ko‘ra, bugundan boshlab Pokiston va Hindiston havo hududidan o‘tish bo‘yicha barcha taqiqlar bekor qilingan.

Shu munosabat bilan, MAKning Dehli, Mumbay, Bangkok, Kuala Lumpur va Jakartaga reyslari optimal yo‘nalishlardan foydalanishni tiklamoqda. Qayd etilishicha, buning oqibatida ushbu reyslar parvozi vaqti 2-3 soatga qisqaradi.

“Barchani bu quvonchli hodisa bilan tabriklaymiz va o‘tgan 5 oy davomidagi tushunish hamda sabr-toqat uchun minnatdorchilik bildiramiz”, - deyiladi MAK xabarida.

Hindiston – Pokiston. Ziddiyat ildizi qayerda? O‘zbekiston qanday munosabatda?

#Hindiston #Pokiston #MAK

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.