Foto: AFP
Xitoy sharqidagi Ichun shahri yaqinidagi tog‘larda 285 sayyohdan iborat guruh u yerda kechgan kuchli yomg‘irlar sababli qolib ketdi. 22 iyulda Xitoy markaziy televideniyesining xabar qilishicha, sayyohlardan 3 nafari halok bo‘lgan, 23 nafari bedarak yo‘qolgan deb hisoblanmoqda.
Ma'lum qilinishicha, 21 iyulda mahalliy vaqt bilan soat 15 atrofida Gaoxu qishlog‘i yaqinidagi tog‘li hududda kuchli yomg‘irlar yog‘gan va ular toshqinlar keltirib chiqargan.
Soat 21:40dagi ma'lumotlarga ko‘ra, 200 dan ko‘proq sayyoh evakuatsiya qilingan.
Voqea joyida qidiruv-qutqaruv ishlari olib borilmoqda. Televideniyening xabar qilishicha, ushbu ishlarda 530 dan ko‘proq kishi ishtirok etmoqda, shuningdek, dronlar jalb qilingan.
Xitoy, yomg‘irlar
