Foto: RIA Novosti / V. Kiselev
Afg‘oniston hukumati “Tolibon” harakati bilan tinchlik muzokaralari o‘tkazish uchun delegatsiyani shakllantirdi. Bu haqda tinchlik masalalari bo‘yicha vazir Abdul Salom Rahimiyning bayonotida ma'lum qilindi.
Bayonotda aytilishicha, delegatsiya tarkibiga "Afg‘onistonni siyosiy, ijtimoiy va milliy xilma-xillikda ifodalovchi" 15 kishi kiritilgan.
Avvalroq "Tolibon"ning Qatardagi siyosiy ofisi vakili Suhayl Shahin AQSh delegatsiyasi va toliblar Qatardagi muzokaralarda deyarli barcha masalalar bo‘yicha kelishuvga erishganini, muhokama qilinadigan bir-ikkita masala qolganini bildirgandi.
