25 ёшли Кейтлин Стаббсда артериовеноз мальформация касаллиги аниқланиб, у нур билан даволанишга жўнатилган. Кўп ўтмай аёл бўйида бўлиб қолиб, ҳомилага зарар етказмаслик учун даволанишдан воз кечган. 23 июлда аёл ҳомиладорликнинг 8-ойида бўлганда унда бош мия томири аневризми юз берган ва у комага тушиб қолган. 24 июлга ўтар кечаси аёлга кесарча кесиш қилинган.
Аёл ҳамон комада қолмоқда ва жиддий даволанишга эҳтиёжманд. Ҳозир унинг даволаниши учун пул тўпланмоқда. 2 сентябрда қизчага Куин исми берилди ва шифохонадан чиқарилди. Шифокорлар аёлнинг саломатлиги бўйича прогнозлар беришдан бош тортишган.
Аввалроқ июнда комада бўлган малайзиялик аёл фарзанд дунёга келтиргани маълум қилинган. Аёлда бош мия ўсимтаси ташхиси қўйилган ва у операция қилинган. Она ҳушсиз ётганига қарамай, ҳомила ривожланишда давом этган. Аёлга ҳомиладорликнинг 33-ҳафтасида кесарча кесиш қилинган.
