Nur-Sulton 2019. Bugun yana 4 nafar o‘zbekistonlik kurashchi Olimpiada yo‘llanmasi uchun gilamga chiqadi

Bugun, 16 sentabr kuni Qozog‘istonning Nur-Sulton shahrida sport kurashlari bo‘yicha jahon chempionatining uchinchi kun bellashuvlari bo‘lib o‘tadi.

Bugun musobaqaning uchinchi kun dasturida yunon-rim kurashi bo‘yicha -60, -77 va -130 kilogramm vazn toifalarida saralash bahslari o‘tkaziladi. Ushbu vazn toifalarida Elmurat Tasmuradov (-60 kg) va Mo‘minjon Abdullayev (-130 kg) uchinchi, Jalgasbay Berdimuratov (-77 kg) esa ilk Olimpiadasi uchun harakat qiladi.

-60 kg: Elmurat Tasmuradov – Gevorg G‘aribyan (Armaniston)
-77 kg: Jalgasbay Berdimuratov – Tamash Lorins (Vengriya)
-130 kg: Mo‘minjon Abdullayev – Miloslav Metodiyev (Bolgariya).

Kechki dasturda Tokio-2020 Olimpiadasiga yo‘llanma olgan vakilimiz Rustam Assakalov (-87 kg) bronza medali uchun kurash olib borsa, Jahongir Turdiyev (-97 kg) yaponiyalik Yuta Nara bilan o‘tish bosqichida qatnashadi. Turdiyev uchinchi o‘rin uchun kurashish imkoniyatiga ega bo‘lsa, u ham kelasi yil Tokio Olimpiadasiga yo‘llanma oladi.