Qoʻshimcha funksionallar
-
Tungi ko‘rinish
Elmurat Tasmuradov va Jalgasbay Berdimuratov Olimpiadaga yo‘llanma oldi
Bugun Nur-Sulton shahrida bo‘lib o‘tayotgan sport kurashlari bo‘yicha jahon chempionatining to‘rtinchi kuni bo‘lib o‘tmoqda.
O‘zbekiston terma jamoasining yunon-rim kurashidagi vakillari, Rio Olimpiadasi sovrindori Elmurat Tasmuradov (-60 kg) va Jalgasbay Berdimuratov (-77 kg) 2020 yilgi Tokio Olimpiadasiga yo‘llanmani qo‘lga kiritishdi.
Tasmuradov uchinchi o‘rin va Tokio Olimpiadasi yo‘llanmasi uchun kurash davomida dastlab ekvadorlik Andres Montanoni, keyin moldovalik Viktor Siobanuni mag‘lub etdi.
Endi u kechki dasturda bronza medali uchun kurashish imkoniyati va Tokio Olimpiadasi yo‘llanmasini qo‘lga kiritdi.
Jalgasbay Berdimuratov esa dastlab ukrainalik Volodimir Yakovliyevni, keyin litvalik Paulius Galkinasni yengdi va u ham kechki dasturda bronza medali uchun kurashish imkoniyati va Tokio Olimpiadasi yo‘llanmasini qo‘lga kiritdi. U medal uchun qozog‘istonlik Asxat Dilmuhammedov bilan bellashadi.
Shu tariqa, O‘zbekiston delegatsiyasi Tokio Olimpiadasi uchun yo‘llanmalari sonini 7taga yetkazdi.
Qayd etish kerakki, bu Tasmuradov uchun uchinchi Olimpiada yo‘llanmasidir. U 2012 yilda London va 2016 yilda Rio Olimpiadalarida ham ishtirok etgan.
Mavzuga oid
10:37 / 18.09.2022
Endi Nur-Sulton emas. Qozog‘iston poytaxti nomi 30 yilda to‘rtinchi bor o‘zgarmoqda
16:27 / 13.09.2022
To‘qayev Nur-Sulton nomini Ostonaga qaytarishga rozilik berdi
16:49 / 13.05.2022
Nur-Sultonda 8-qavatdan osilib qolgan qizcha qutqarildi. Xaloskorga uy sovg‘a qilindi
16:52 / 08.02.2022
Qozog‘iston poytaxti Nur-Sultondan Qo‘stanayga ko‘chirilishi to‘g‘risidagi xabarlar rad etildi
