«O‘zbekneftgaz» AJ boshqaruv raisining yangi birinchi o‘rinbosari tayinlandi. Bu haqda Energetika vazirligi xabar qilmoqda.
Qayd etilishicha, Shahzod Shuhratovich Alirizayev «O‘zbekneftgaz» AJ boshqaruv raisining birinchi o‘rinbosari lavozimini egalladi.
Sh. Alirizayev bunga qadar «Neftgazinvest» MChJ direktori vazifasini bajaruvchi sifatida ishlab kelgan.
Joriy yilning iyul oyi oxirlarida «O‘zbekneftgaz» boshqaruv raisining 4 nafar o‘rinbosari lavozimga tayinlangandi.
Undan avvalroq, «O‘zbekneftgaz» boshqaruv raisining birinchi o‘rinbosari Ulug‘bek Sayidov Bahodir Eshmuratov o‘rniga «O‘ztransgaz» raisi lavozimiga tayinlangani xabar qilingandi.
