2019 yilning 23-28 sentabr kunlari Toshkent shahrida O‘zbekiston va Yevropa ittifoqi o‘rtasida Sherikchilik va hamkorlikni kengaytirish to‘g‘risidagi bitim (ShHKB) loyihasi bo‘yicha muzokaralarning 3-raundi bo‘lib o‘tmoqda.
Tashqi ishlar vazirligi xabariga ko‘ra, shuningdek, Iqtisodiyot, savdo va investitsiyalar bo‘yicha «O‘zbekiston – YeI» kichik qo‘mitasining 14-yig‘ilishi o‘tkazilmoqda.
Delegatsiyalarga O‘zbekiston Respublikasi tashqi ishlar vaziri o‘rinbosari Dilshod Axatov va Yevropa tashqi faoliyat xizmati boshqaruv direktori o‘rinbosari Lyuk Devin boshchilik qilmoqda.
