Hukumat 2020 yil hosili uchun qishloq xo‘jaligi ekinlarini oqilona joylashtirish bo‘yicha qaror qabul qiladi
|18:40 / 27.09.20197 00513 min
Vazirlar Mahkamasining “2020 yil hosili uchun qishloq xo‘jaligi ekinlarini oqilona joylashtirish, mavjud yer maydonlaridan samarali foydalanish chora-tadbirlari va mahsulot yetishtirishning prognoz hajmlari to‘g‘risida”gi qarori loyihasi e'lon qilindi.
O‘zbekiston Respublikasi Qishloq xo‘jaligi vazirligi, Iqtisodiyot va sanoat vazirligi, Suv xo‘jaligi vazirligi, Investitsiyalar va tashqi savdo vazirligi, Yer resurslari, geodeziya, kartografiya va davlat kadastri davlat qo‘mitasi, O‘zbekiston fermer, dehqon xo‘jaliklari va tomorqa yer egalari kengashi, Qoraqalpog‘iston Respublikasi Vazirlar Kengashi hamda viloyatlar hokimliklarining takliflari asosida:
Qoraqalpog‘iston Respublikasi va viloyatlarda 2020 yil hosili uchun asosiy maydonlarga qishloq xo‘jaligi ekinlarini joylashtirishning prognoz ko‘rsatkichlari;
Qoraqalpog‘iston Respublikasi va viloyatlarda 2020 yilda asosiy maydonlarda qishloq xo‘jaligi mahsulotlari yetishtirishning prognoz ko‘rsatkichlari;
Respublikaning lalmi maydonlarida 2020 yil hosili uchun qishloq xo‘jaligi ekinlarini joylashtirishning prognoz ko‘rsatkichlari;
Respublikaning lalmi maydonlarida 2020 yilda qishloq xo‘jaligi mahsulotlari yetishtirishning prognoz ko‘rsatkichlari;
Qoraqalpog‘iston Respublikasi va viloyatlarda 2020 yil hosili uchun asosiy maydonlarga sabzavot ekinlarini ekish muddatlari bo‘yicha joylashtirishning prognoz ko‘rsatkichlari;
Qoraqalpog‘iston Respublikasi va viloyatlarda 2020 yil hosili uchun asosiy maydonlarga ekiladigan sabzavotlardan yetishtiriladigan mahsulotlarning prognoz ko‘rsatkichlari;
Qoraqalpog‘iston Respublikasi va viloyatlarda 2020 yilda g‘alladan bo‘shaydigan maydonlarga qishloq xo‘jaligi ekinlarini takroriy joylashtirishning prognoz ko‘rsatkichlari;
Qoraqalpog‘iston Respublikasi va viloyatlarda 2020 yilda g‘alladan bo‘shaydigan maydonlarda takroriy yetishtiriladigan qishloq xo‘jaligi mahsulotlarining prognoz ko‘rsatkichlari;
Qoraqalpog‘iston Respublikasi va viloyatlarda 2020 yil hosili uchun bog‘ va tok qator oralariga qishloq xo‘jaligi ekinlarini joylashtirishning prognoz ko‘rsatkichlari;
Qoraqalpog‘iston Respublikasi va viloyatlarda 2020 yilda bog‘ va tok qator oralaridan yetishtiriladigan qishloq xo‘jaligi mahsulotlarining prognoz ko‘rsatkichlari;
Mavzuga oid
Qoraqalpog‘iston Respublikasi va viloyatlarda 2020 yilda asosiy maydonlar, bog‘ va tok qator oralari hamda g‘alladan bo‘shaydigan maydonlarda qishloq xo‘jaligi mahsulotlarini yetishtirish uchun talab etiladigan urug‘lik, mineral o‘g‘it va yoqilg‘i-moylash materiallari hajmlari va mablag‘lari hisob-kitobi;
Qoraqalpog‘iston Respublikasi va viloyatlarda 2020 yil hosili uchun talab etiladigan va yetishmaydigan sabzavot, kartoshka hamda poliz urug‘lari hisob-kitobi;
Qoraqalpog‘iston Respublikasi va viloyatlarda 2020 yil hosili uchun yetishtiriladigan sabzavot, poliz va kartoshka mahsulotlari hamda ularning ishlatilishi prognoz ko‘rsatkichlari;
Qoraqalpog‘iston Respublikasi va viloyatlarda 2020 yil hosili uchun g‘o‘zaning rayonlashtirilgan va istiqbolli navlarini joylashtirilishi;
Qoraqalpog‘iston Respublikasi va viloyatlarda 2020 yil hosili uchun kuzgi boshoqli don ekinlarini navlar bo‘yicha joylashtirish prognoz hajmlari, superelita urug‘lik don yetishtirish hajmlari, urug‘lik tayyorlash hajmlari;
Qoraqalpog‘iston Respublikasi va viloyatlarda 2020 yil hosili uchun sholi ekin maydonlarining maqsadli parametrlari, yuqori sifatli sholi urug‘i tayyorlashning prognoz ko‘rsatkichlari tasdiqlanadi.
Qoraqalpog‘iston Respublikasi Vazirlar Kengashi, viloyatlar hokimliklari, Qishloq xo‘jaligi vazirligi, Suv xo‘jaligi vazirligi, Yer resurslari, geodeziya, kartografiya va davlat kadastri davlat qo‘mitasi, O‘zbekiston fermer, dehqon xo‘jaliklari va tomorqa yer egalari kengashi:
har bir hududning ixtisoslashuvi, tuproq-iqlim sharoiti, yerlarning meliorativ holati, unumdorligi, suv bilan ta'minlanganligini inobatga olgan holda qayta ishlovchi, tayyorlovchi va eksport qiluvchi tashkilotlarning talablaridan kelib chiqqan holda qishloq xo‘jaligi ekinlari konturlar bo‘yicha o‘z vaqtida to‘liq ekilishini, agrotexnik tadbirlar o‘z vaqtida va sifatli o‘tkazilishini tashkil etadi;
sug‘oriladigan ekin maydonlarining meliorativ holatini yaxshilash, shuningdek, asosiy va takroriy maydonlarda eksport talablaridan kelib chiqib, qishloq xo‘jaligi ekinlarini joylashtirish bo‘yicha ilmiy asoslangan almashlab ekish tizimini joriy etadi.
O‘zbekiston Respublikasi Iqtisodiyot va sanoat vazirligi, Qishloq xo‘jaligi vazirligi, Qoraqalpog‘iston Respublikasi Vazirlar Kengashi, viloyatlar hokimliklari, O‘zbekiston fermer, dehqon xo‘jaliklari va tomorqa yer egalari kengashi, “O‘zbekoziqovqatxolding” xolding kompaniyasi, “O‘zpaxtasanoat” AJ, “O‘zdonmahsulot” aksiyadorlik kompaniyasi, «O‘zbekoziqovqatzaxira» uyushmasi, “O‘zyog‘moysanoat” uyushmasi, Uzumchilik va vinochilikni rivojlantirish agentligi, tayyorlov va xizmat ko‘rsatuvchi tashkilotlar, tijorat banklari bilan birgalikda:
mahsulot yetishtiruvchilar bilan tayyorlov, ta'minotchi, qayta ishlash va eksport qiluvchi tashkilotlar, savdo xarid tashkilotlari o‘rtasida mahsulot yetkazib berish va xarid qilish bo‘yicha shartnoma tuzish ishlarini yakunlaydilar;
ekinlarni ekish va agrotexnik tadbirlarni o‘tkazish uchun tuzilgan shartnomalarga muvofiq xarid qilinadigan mahsulot qiymatining 60 foizidan kam bo‘lmagan miqdorda oldindan avans mablag‘lar ajratilishini ta'minlaydilar.
Qishloq xo‘jaligi vazirligi, O‘zbekiston fermer, dehqon xo‘jaliklari va tomorqa yer egalari kengashi, Vazirlar Mahkamasi huzuridagi O‘simliklar karantini davlat inspeksiyasi va Agrosanoat majmui ustidan nazorat qilish inspeksiyasi, Qoraqalpog‘iston Respublikasi Vazirlar Kengashi va viloyatlar hokimliklari fermer xo‘jaliklariga qishloq xo‘jaligi ekinlarining serhosil, tezpishar va eksportbop navlarini tanlashda ko‘maklashsinlar va sifatli urug‘liklar bilan ta'minlash choralarini ko‘radilar.
Qoraqalpog‘iston Respublikasi Vazirlar Kengashi va viloyatlar hokimliklari, zamonaviy texnologiyalar asosida ko‘chat yetishtiruvchi tashkilotlar, akademik M.Mirzayev nomidagi bog‘dorchilik, uzumchilik ilmiy-tadqiqot instituti bilan birgalikda:
«in-vitro» sharoitida viruslardan holi bo‘lgan sog‘lom mevali daraxt va tok ko‘chatlari yetishtirish hajmlarini oshirgan holda joriy yilda barpo etiladigan intensiv mevali bog‘ va tokzorlar uchun talab etiladigan ko‘chatlar shartnoma asosida yetkazib berilishini;
2020 yilda intensiv mevali bog‘ va tokzorlar barpo etadigan fermer xo‘jaliklari talabidan kelib chiqqan holda mevali daraxt va tok ko‘chatlari turlari ro‘yxati shakllantirilishini va buyurtmalar berishni tashkil etadilar.
Qoraqalpog‘iston Respublikasi Vazirlar Kengashi va viloyatlar hokimliklari Yer resurslari, geodeziya, kartografiya va davlat kadastri davlat qo‘mitasi, Qishloq xo‘jaligi vazirligi, Suv xo‘jaligi vazirligi, O‘zbekiston fermer, dehqon xo‘jaliklari va tomorqa yer egalari kengashi bilan birgalikda ikki oy muddatda 2020 yil uchun Qoraqalpog‘iston Respublikasi va barcha viloyatlarda samarasiz foydalanilayotgan va qishloq xo‘jaligi foydalanishiga kiritilayotgan eng maqbul yerlar hisobidan 100 gektar shotut va 100 gektar balxi tut plantatsiyalarini tashkil etish uchun tanlasinlar va ularning manzilli ro‘yxatini shakllantirsinlar hamda plantatsiyalarini tashkil etish ishlarining borishi natijalari to‘g‘risida har chorak yakunida Vazirlar Mahkamasiga axborot kiritib boradilar.
O‘zbekiston Respublikasi Vazirlar Mahkamasi huzuridagi O‘simliklar karantini davlat inspeksiyasi chegara oldi hududlarda va qo‘shni davlatlarda yuzaga kelgan o‘simliklar karantini holati to‘g‘risida hamda o‘simliklar karantini obektlari tarqalgan xorijiy mamlakatlardan qishloq xo‘jaligi ekinlari urug‘lari, mevali daraxt va tok ko‘chatlari respublika hududiga kirib kelishining oldini olish bo‘yicha qat'iy nazorat o‘rnatadi.
O‘zbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi, Axborot texnologiyalari va kommunikatsiyalarini rivojlantirish vazirligi qishloq xo‘jaligi mahsulotlari marketingi bo‘yicha asosiy ulgurji bozorlarda qishloq xo‘jaligi mahsulotlari narxlari va ishlab chiqarish hajmlarini aks ettiradigan ishonchli ma'lumotlar bazasini shakllantiradi va har oy yangilanib borishini ta'minlasin hamda marketing tadqiqotlari natijalari asosida bashoratlash tizimini yo‘lga qo‘yadi.
Qoraqalpog‘iston Respublikasi Vazirlar Kengashi va viloyatlar hokimliklari, O‘zbekiston Respublikasi Investitsiyalar va tashqi savdo vazirligi, Qishloq xo‘jaligi vazirligi har bir hududda ishlab chiqarish imkoniyatlari va eksport salohiyatini to‘liq namoyon qilish uchun qishloq xo‘jaligida foydalanilmayotgan sug‘oriladigan yerlarni foydalanishga kiritish bo‘yicha investorlarni jalb qilish ishlarini jadallashtiradilar.
Bunda qishloq xo‘jaligida foydalanilmayotgan sug‘oriladigan yerlarni foydalanishga kiritishda ishtirok etayotgan investorlarga ushbu yerlarni ikkilamchi ijaraga berish va qishloq xo‘jaligi ekinlarini mustaqil joylashtirish huquqi berilgan.
Qoraqalpog‘iston Respublikasi Vazirlar Kengashi va viloyatlar hokimliklari, Qishloq xo‘jaligi vazirligi, Suv xo‘jaligi vazirligi, Iqtisodiyot va sanoat vazirligi, Yer resurslari, geodeziya, kartografiya va davlat kadastri davlat qo‘mitasi, O‘rmon xo‘jaligi davlat qo‘mitasi, Geologiya va mineral resurslar Davlat qo‘mitasi geoaxborot tizimlari asosida foydalanishga kiritilayotgan yerlar bo‘yicha investorlarni loyihalarni elektron ko‘rinishda taqdim etish imkonini beradigan elektron axborot bazasini shakllantirsin va ushbu baza asosida keyingi yillarda qishloq xo‘jaligi ekinlarini joylashtirish ishlarini avtomatlashtirish mexanizmini joriy etish zarurligi belgilab qo‘yiladi.
O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi, Qoraqalpog‘iston Respublikasi Vazirlar Kengashi, viloyatlar hokimliklari bilan birgalikda mazkur qaror bilan belgilangan asosiy va takroriy maydonlarga, bog‘ va tok qator oralariga ekilgan qishloq xo‘jaligi ekinlarini ekish mavsumining yakuni bilan ekinlarni o‘lchovdan o‘tkazadi va natijasi bo‘yicha Vazirlar Mahkamasiga axborot kiritib boradi.
O‘zbekiston Respublikasi Suv xo‘jaligi vazirligi Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda vegetatsiya davrida ajratilgan suv limitlari doirasida qishloq xo‘jaligi ekinlari turlarining suvga bo‘lgan talabidan kelib chiqqan holda sug‘orish grafiklari asosida o‘z vaqtida suv bilan to‘liq ta'minlaydi.
Suv xo‘jaligi vazirligi, Qishloq xo‘jaligi vazirligi, O‘zbekiston fermer, dehqon xo‘jaliklari va tomorqa yer egalari kengashi, “O‘zto‘qimachiliksanoat” uyushmasi hamda Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda 2020 yilda 200 ming gektarda paxta xomashyosi ishlab chiqarishda tomchilatib sug‘orish tizimini joriy etish bo‘yicha tegishli chora-tadbirlar rejasini ishlab chiqadilar.
“O‘zagrokimyohimoya” aksiyadorlik jamiyati, “O‘zkimyosanoat” aksiyadorlik jamiyati, “O‘zbekneftgaz” aksiyadorlik jamiyati Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda:
fermer xo‘jaliklari va boshqa qishloq xo‘jaligi tashkilotlarining belgilangan ekin maydonlariga mineral o‘g‘it va yoqilg‘i-moylash materiallarini belgilangan tartibda birja savdolari orqali yetkazib berishni;
asosiy va takroriy maydonlarga, bog‘-tok qator oralariga ekilgan qishloq xo‘jaligi ekinlari, bog‘ va tokzorlarni kasallik, zararkunanda va begona o‘tlardan himoya qilish uchun zaruriy kimyoviy preparatlar zaxirasi yaratilishini va agrokimyo xizmatlari ko‘rsatilishini tashkil etadilar.
Qishloq xo‘jaligi vazirligi, Qishloq xo‘jaligi va oziq-ovqat ta'minoti ilmiy-ishlab chiqarish markazi tegishli ilmiy-tadqiqot institutlarini jalb qilgan holda qishloq xo‘jaligi ekinlarini ekish muddatlarida dala sharoitida ko‘rgazmali seminarlar o‘tkazish va resurstejovchi innovatsion texnologiyalar asosida agrotexnik tadbirlarni amalga oshirish bo‘yicha tavsiyalar ishlab chiqib, fermer xo‘jaliklariga yetkazilishini ta'minlaydilar.
