Kun mojarosi. Hakam «Mançester Siti»ga nisbatan nohaqlik qildimi?

Yuqorida aytilganidek, Maykl Oliver har ikki holatni ham öz közi bilan körgani ahamiyat kasb etdi. VAR hakam uçun texnik yordam, qaçonki, u vaziyatni körmay qolsa yoki qaytadan baholaşni istasa, videotakrordan söraydi. (Faqat APL va boşqa ligalardagi farq şundaki, Angliyada VAR orqali qaror çiqariş va boş hakamga ma'lum qiliş videohakamlar zimmasida, boşqa joylarda esa, boş hakamning özi vaziyatni videoda körib sönggi qarorni çiqaradi). Oliver vaziyatni körgan ekan, texnik yordamga ehtiyoj sezmadi. Bu yerda gap töpning himoyaçiga tekkan yoki tegmagani emas, undan oldingi epizod, Silvaning vaziyatida edi.

Hakam öyinni davom ettirdi va «Liverpul» qarşi hujumda gol urdi. «Mançester Siti» futbolçilari faol tarzda hakamga e'tiroz qila boşlaşdi. Undan vaziyatni videoda körişni va golni hisoblamasdan, aksinça, mezbonlar darvozasiga penalti belgilaşni söray boşlaşdi. Maykl Oliver mehmonlarning talablarini qondirmadi va vaziyatni qaytadan baholaşni istamadi. VAR’ga murojaat qilişni lozim topmadi.

Menimça, bu yerda Oliver juda töğri qarorga keldi. Tasavvur qiling, agar u VAR’ga murojaat qilganida, Fabinoning golini bekor qilişi va mezbonlar darvozasiga penalti belgilaşi şart bölib qolardi. Çunki töp himoyaçining qöliga tekkan – bu yuz foizlik penalti. Yomon tomoni, VAR’ga murojaat qilinsa, Bernardu Silvaning ham qöl bilan öynaganini baholaş imkonsiz bölib qolardi. Bu esa, mantiqan «Liverpul» uçun nohaqlik.

Bizga yaxşi ma'lumki, VAR’ga 4 holatda murojaat qilinadi.

1. Gol yoki gol emasligini aniqlaş uçun;

2. Qizil kartoçkani aniqlaş uçun;

3. Penaltini aniqlaş uçun;

4. Futbolçini identifikatsiya qilişdagi xatoni aniqlaş uçun.

Körib turganingizdek, töp hujumçining qöliga tekkanini aniqlaş bu yerda yöq. Qaçonki, hujumçi töpni qöli bilan öynab, gol urgandagina, birinçi punktga binoan körib çiqiş mumkin. Bernardu Silvaning qöliga töp tekkaç, «Mançester Siti» gol urmadi. Şu bilan tamom. Endi Silvaning qöliga tekkan holatga qaytiş uçun «fortoçka» qolmadi. Qoida buzgan taraf gol ura olmagaç, bu yerda VAR çetga çiqadi. Silvaning qöli uçun endi videotakror yordamida jarima zarbasi belgilaş umuman imkonsiz.

Ammo Trent Aleksandr-Arnoldning qöliga tekkan töp penaltiga sabab bölişi mumkin – uçinçi punktga köra, bu epizod uçun videohakamlar aralaşa oladi. «Mançester Siti» futbolçilari hakamlar VAR’ni söraşganda birinçi punkt, ya'ni Fabinoning goli böyiça emas, aynan penalti vaziyatiga edi. Agar hakam «Mançester Siti» talabini qondirganda, ularning foydasiga penalti belgilaşdan boşqa çorasi qolmasdi. Bu esa, epizodlar rivojidagi mantiqqa tamomila zid qaror edi.

Yuqorida aytganimdek, «Liverpul»ga nisbatan nohaqlik bölib qolardi. Hakam töp Silvaning ham qöliga tekkanini kördi, uning penalti belgilamaganining ham sababi şu. Vaziyatni bu qadar rivojlanişiga sabab «Liverpul»ning qarşi hujumi va oqibatda kiritilgan gol böldi, xolos. Agar hakam töp Silvaga tegişi bilan darhol öyinni töxtatib, qoida buzilişini qayd etganda, heç qanday e'tiroz bölmasdi ham. Bu yerda ayb «Mançester Siti» futbolçilarining özida – ular hakamga e'tirozni boşlab yuborişdi, diqqatni jamlay olmadilar, göyo, baribir hozir öyin töxtab, hakam VAR’ga murojaat qilişini kuta boşladilar.

Golga sabab ham şu böldi, hakam xatosi emas. «Mançester Siti»ning öşa belgilanmagan penaltidan köra, «Liverpul»ning Fabinoning goliga haqqi ön barobar köproq edi.

Qahramon Aslanov