Gurlan tumani kompleks ijtimoiy-iqtisodiy rivojlantiriladi

Özbekiston Respublikasi prezidentining 2019 yil 20-21 avgust kunlari Qoraqalpoğiston Respublikasiga taşrifi davomida berilgan topşiriqlar va kengaytirilgan tarzda ötkazilgan 35-sonli majlis Bayonida “Şovot-Gurlan-Jumurtau-Koybakli Qoraözak” yönalişida yangi temir yöl tarmoği qurilişi belgilanganligini inobatga olgan holda:

Xorazm viloyati hokimligi, Gurlan tumani hokimligi loyihalaştirilayotgan yangi temir yöli trassasi hududlarida yuridik va jismoniy şaxslarga yer ajratiş va qurilişga ruxsat beriş böyiça qarorlar çiqarişni töxtatadi;

2020 yil 1 fevralga qadar loyihalaştirilayotgan yangi temir yöli trassasi hududlarida yuridik va jismoniy şaxslarga tegişli mavjud bino inşootlarning kadastr hujjatlarini rasmiylaştirilişi va baholanişini ta'minlaydi;

yangi temir yöl bekati qurilişi munosabati bilan, yaqin hududda bozor-infrastruktura obektlari taşkil qiliş böyiça çora-tadbirlar işlab çiqadi.

Xorazm viloyati hokimligi:

Özbekiston Respublikasi Yer resurslari, geodeziya, kartografiya va davlat kadastri davlat qömitasi, Qişloq xöjaligi vazirligi, Özbekiston fermer, dehqon xöjaliklari va tomorqa yer egalari kengaşi, Suv xöjaligi vazirligi, Gurlan tumani hokimligi bilan birgalikda tuman hududida qişloq xöjaligiga möljallangan yer maydonlarini töliq xatlovdan ötkazib, fermer va boşqa qişloq xöjaligi korxonalarini Vazirlar Mahkamasining 2013 yil 31 yanvardagi 22-sonli qarori asosida yangidan taşkil etilişini ta'minlaydi;

Suv xöjaligi vazirligi, Veterinariya va çorvaçilikni rivojlantiriş davlat qömitasi, Qişloq xöjaligi vazirligi, Investitsiya va taşqi savdo vazirligi bilan birgalikda 2020-2021 yillarda hududni suv resurslari bilan ta'minlanganlik darajasidan kelib çiqib:

Fuqaro “Rajabov Bobonazar” hamda fuqaro “Xasanov Ra'sul” tomonidan şoliçilik klasterlari taşkil etiş;

“Gurlan agro klaster” mas'uliyati çeklangan jamiyati tomonidan ğallaçilik klasterini taşkil etiş çoralarini köradi.

Qişloq xöjaligi vazirligi va Suv xöjaligi vazirligi bilan birgalikda tuman hududida qişloq xöjaligiga möljallangan yer maydonlarida suv tejovçi texnologiyalarni bosqiçma-bosqiç joriy qilinişini ta'minlaydi.

Farmatsevtika tarmoğini rivojlantiriş agentligi, Qişloq xöjaligi vazirligi bilan birgalikda 2020-2022 yillarda Gurlan tumanida qizilmiya va şu kabi geografik joylaşuviga mos boşqa dorivor ösimliklarni plantatsiya usulida yetiştiriş va uni çuqur qayta işlaşni yanada rivojlantiriş böyiça “Yöl xaritasi”ni işlab çiqib, tasdiqlaydi.

Özbekiston Respublikasi Investitsiyalar va taşqi savdo vazirligi, Davlat soliq qömitasi, Yer resurslari, geodeziya, kartografiya va davlat kadastri davlat qömitasi, Davlat mulkini boşqariş agentligi, Xorazm viloyati hokimligi bilan birgalikda Gurlan tumanidagi avval xususiylaştirilgan davlat obektlari, şuningdek boşqa böş turgan yer maydonlari va bino-inşootlar holatini töliq xatlovdan ötkazadi.

Xatlov natijalariga köra, obektlardan samaralari foydalaniş yoki foydalanmay turgan obektlarni qonunçilikka muvofiq mahalliy hokimlik balansiga ötkaziş yoki qaytarib oliş böyiça çora-tadbirlar dasturini işlab çiqib, tasdiqlaydi.

Tuman hokimiga, istisno tariqasida 2022 yil 1 yanvarga qadar Xorazm viloyati hokimligi bilan kelişgan holda amalga oşiriladigan quyidagi huquqlar beriladi:

a) auksion savdolarisiz, investor bilan töğridan-töğri muzokaralar ötkaziş orqali suğoriladigan ekin yerlar toifasiga kirmaydigan, lekin qişloq xöjaligi va örmon xöjaligi yerlari toifasiga kiradigan yer uçastkalaridan tadbirkorlik va şaharsozlik faoliyati uçun investitsiyaviy va ijtimoiy majburiyatlarni belgilagan holda doimiy foydalaniş huquqi bilan ajratiş;

b) xorijiy investor tomonidan qonun hujjatlarida belgilanganidan qöşimça soliq va bojxona imtiyozlari va preferensiyalarini beriş talabi qöyilmagan taqdirda çet el investitsiyasi uluşi bölgan investitsiya loyihalarini amalga oşirişda çet el investorlari bilan investitsiya şartnomalari tuziş;

v) respublika va mahalliy budjetdan moliyalaştiriladigan, tumanda quriliş, rekonstruksiya va kapital ta'mirlaş işlarini amalga oşiriş uçun pudrat taşkilotlarini tanlaşda eng maqbul takliflarni tanlab oliş yöli bilan, tanlov savdolarini ötkazmasdan pudrat va loyiha taşkilotlarini belgilaş.

Özbekiston Respublikasi Maktabgaça ta'lim vazirligi, Xorazm viloyati hokimligi, “Özsanoatqurilişbank”, Gurlan tumani hokimligi bilan birgalikda Özbekiston Respublikasi prezidentining 2018 yil 5 apreldagi PQ-3651-sonli qarori asosida tumanda davlat xususiy şerikçilik asosida 100 örinlik 6 ta maktabgaça ta'lim muassasasini 2020 yil yakuniga qadar işga tuşirilişini ta'minlaydi.

Xorazm viloyati hokimligi, Gurlan tumani hokimligi 2019 yil yakuniga qadar:

Gurlan tumani “Çinobod” mahallasi hududida yangi zamonaviy avtomobillarga gaz töldiriş kompressor stansiyasini joylaştiriş yuzasidan taklif işlab çiqib, Energetika vazirligiga örnatilgan tartibda taklif kiritilişini ta'minlaydi;

Özbekiston Respublikasi Energetika vazirligi Özbekiston Respublikasi Vazirlar Mahkamasining 2017 yil 11 oktyabrdagi 815-sonli qarori bilan tasdiqlangan 2017-2019 yillarda hududlarda avtomobillarga gaz töldiriş kompressor stansiyalarini quriş maqsadli körsatkiçlariga özgartiriş kiritiş böyiça taklif işlab çiqib, Vazirlar Mahkamasiga kiritilişini ta'minlaydi.

Özbekiston Respublikasi Soğliqni saqlaş vazirligi, Iqtisodiyot va sanoat vazirligi, Moliya vazirligi, Xorazm viloyati hokimligi bilan birgalikda bir oy muddatda, tuman markaziy şifoxonasini ta'mirlaş, zarur moddiy-texnika şu jumladan, jonlantiriş (reanimatsiya) va tuğruq bölimlarini zarur zamonaviy anjom va yuqori malakali mutaxassislar bilan ta'minlaş yuzasidan taklif işlab çiqib, Vazirlar Mahkamasiga kiritadi.