17:03 / 21.11.2019
0
5685
Беларусда амалдорлар учун "махфий" мобиль алоқа тизими синовдан ўтказилмоқда
Александр Лукашенко

Беларусь президенти Александр Лукашенко республикада ҳукумат даражасидаги "махфий" мобиль алоқа тизими синовдан ўтказилаётганини маълум қилди.

Беларусь президенти матбуот хизматининг маълумот беришича, Лукашенко мамлакатда ҳукуматнинг ҳимояланган алоқа тизими ривожланиши бўйича йиғилиш ўтказган.

"Бугун ҳаммада мобиль телефон бор, оласан, қўнғироқ қиласан, нима ҳақида гапирганингни бутун дунё билади. Ҳимояланган алоқа тизимини яратиш керак. Халқ тили билан айтганда, махфий алоқани. Биз ана шундай алоқани синовдан ўтказмоқдамиз. Тўғри, қатор камчиликлари бор. Бугун бу ҳақда очиқчасига гаплашиб оламиз", - деган Лукашенко.

Аввалроқ Беларусь раҳбари республика давлат хавфсизлик қўмитасининг ҳукумат алоқаси объектларидан бирида бўлганди. У бу ерда ҳукумат алоқа тизими ривожланиши борасидаги ишлар билан танишган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top