O‘zbekiston milliy jamoasining sobiq bosh murabbiyi vafot etdi

3 dekabr kuni O‘zbekiston milliy jamoasining sobiq bosh murabbiyi Leonid Ostroushko 83 yoshida vafot etdi, deb xabar beradi Qozog‘iston matbuoti.

Asli ukrainalik bo‘lgan qozog‘istonlik mutaxassis 2000 yilda Toshkent viloyatining «Do‘stlik» klubi bilan O‘zbekiston chempioni va Kubogini qo‘lga kiritgan, shuningdek, O‘zbekiston milliy jamoasini vaqtinchalik bosh murabbiy sifatida 1ta o‘yinda boshqarib, Xitoy milliy jamoasini 1:0 hisobida mag‘lub etgan edi.

Leonid Ostroushko futbolchilik va murabbiylik faoliyatining asosiy qismini Qozog‘istonning «Qayrat» klubida o‘tkazdi. Shuningdek, 1998 yilda Namanganning «Navbahor» klubida ham ishlagan edi.