Superliga-2019 uchrashuvlarida mavsum davomida stadionlarga tashrif buyurgan tomoshabinlar sonini sarhisob qilib, klublarning muxlis to‘plash borasidagi natijalari haqida ma'lumot bergandik.
Bugun esa Superliga o‘yinlaridagi so‘nggi uch yillik tashrifni o‘zaro taqqosladik. Afsuski, statistika O‘zbekiston chempionatiga muxlislarning qiziqishi ushbu mavsumdan yana pasaya boshlaganligini ko‘rsatmoqda.
Jumladan, 2017 yilgi mavsum yakunlariga ko‘ra, Oliy liganing har bir uchrashuviga o‘rtacha 4087 nafar tomoshabin to‘g‘ri kelgan bo‘lsa, 2018 yilgi Superliga bahslariga esa o‘rtacha 6891 nafar muxlis tashrif buyurgan. 2019 yilgi Superligada bu raqam 5631 nafarni tashkil qildi. O‘tgan yilgi ko‘rsatkichlar bilan taqqoslaganda, muxlislar tashrifi 19 %ga kamayganligini bildiradi.
Oldingi mavsumda tomoshabinlar tashrifi borasida peshqadam bo‘lgan «Navbahor»ning Namangandagi o‘yinlariga o‘rtacha 15 444 muxlis kelgan bo‘lsa, bu yil bu son 11 233 nafarga kamaygan.
O‘tgan mavsumda o‘rtacha eng kam tashrif – 4264 nafar tomoshabin «Lokomotiv» uy o‘yinlariga to‘g‘ri kelgan bo‘lsa, bu yil o‘rtacha eng kam tomoshabin – 2254 nafar muxlis OKMK o‘yinlariga to‘g‘ri kelgan.
Tomoshabinlar tashrifi. So‘nggi uch mavsumdagi holat:
2019 yilgi holat: (har o‘yinda o‘rtacha 5 631 tomoshabin)
1. NAVBAHOR - 11.233 tomoshabin
2. PAXTAKOR - 8.048
3. NASAF - 7.499
4. ANDIJON - 7.414
5. BUXORO - 7.156
