Bryusselda O‘zbekiston va YeI o‘rtasida muzokaralar bo‘lib o‘tadi

Bryussel shahrida O‘zbekiston Respublikasi va Yevropa ittifoqi o‘rtasida Kengaytirilgan sherikchilik va hamkorlik to‘g‘risidagi bitimning loyihasi bo‘yicha muzokaralar bo‘lib o‘tadi.

2019 yilning 10 dekabr kuni O‘zbekiston Respublikasi tashqi ishlar vazirining o‘rinbosari Dilshod Axatov boshchiligidagi mamlakatning turli vazirlik va idoralari vakillaridan tarkib topgan delegatsiya Bryussel shahriga yetib bordi.

Tashrifning maqsadi 11-13 dekabr kunlari O‘zbekiston Respublikasi va Yevropa ittifoqi o‘rtasida Kengaytirilgan sherikchilik va hamkorlik to‘g‘risidagi bitim (KShHB) loyihasi bo‘yicha muzokaralarning 4-raundini o‘tkazish hisoblanadi.

Siyosiy, sektorial va savdo masalalari bo‘yicha O‘zbekiston-Yevropa ishchi guruhlari qator maslahatlashuvlar, jumladan video-konferensiyalar orqali uchrashuvlar o‘tkazdi va ularning yakunlariga ko‘ra qayd etilgan bitim loyihasining turli jabhalari bo‘yicha anglashuvga erishiladi.