Фото: Facebook /БМТ

Ҳиндистонда кўзи ожиз одамлар учун дунёдаги илк смартфон сотувга чиқарилди. Бу ҳақда БМТнинг Facebook’даги саҳифасида маълум қилинди.

Қурилма ўзига хос “экран” билан ажралиб туради. У ўзидан кўзи ожизлар учун мўлжалланган Брайл алифбосини шакллантирувчи тўрни акс эттиради.

Смартфонда шакл хотира эффекти Shape Memory Alloy негизида ишловчи технология амалга оширилган. Ушбу эффектда баъзи материаллар деформациядан кейин қиздирилганда дастлабки шаклига қайтади.  

“Смартфон экрани талаб бўйича юқоридан пастга жойлашган контактлар тўрини ўз ичига олади. Бу тўр ўзидан Брайл алифбосини акс эттириб, турли контактлар муайян ҳарфлар ва символларга жавоб беради”, дейилган хабарда.

Смартфон экрани ўзига хос таржимон бўлиб, оддий матнни Брайл алифбосига ва аксинча, Брайл алифбосини оддий матнга ўтказа олади.