A Seriya. «Inter» Neapolda ğalaba qozondi, Lukakudan dubl

Italiya A Seriyasining 18-turidan örin olgan markaziy bahsda «Napoli» öz uyida peşqadam «Inter»ni qabul qildi va mağlubiyatga uçradi. Mehmonlar safida urilgan gollarga Lukaku (2ta) va Martines mualliflik qilişgan bölsa, yagona javob töpini Milik kiritdi.

Ğalabadan söng Antonio Konte şogirdlari oçkolarini 45taga yetkazib, peşqadamlikni davom ettirişmoqda. «Napoli» esa 24 oçko bilan 8-öringa joylaşgan.

A Seriya, 18-tur

Napoli – Inter 1:3
6 yanvar, «San-Paolo»
Gollar: Milik (39) – Lukaku (14, 33), Martines (62).
Napoli: Meret, Hyusay (Losano, 81), Di Lorenso, Ruy, Manolas, Fabian Ruis (Lorente, 84), Zelinski, Kalexon, Allan, Insine, Milik. 
Inter: Handanoviç, Bastoni, Şkrinyar, de Vrey, Biragi, Galyardini (Barella, 56), Vesino (Sensi, 73), Kandreva, Brozoviç, Martines, Lukaku (Valero, 88).
Ogohlantirişlar: Kandreva (29), Barella (61), Espozito (73), Sensi (82), Şkrinyar (84).