15:56 / 14.01.2020
1
39211
Ироқ АҚШ қўшинларини чиқариб юбориш тўғрисидаги қарор қайта кўриб чиқилмаслигини билдирди
Фото: REUTERS

Ироқ ҳукумати мамлакатдан хориж қўшинларини чиқариб юбориш тўғрисидаги парламент қарорини қайта кўриб чиқмайди. Бу ҳақда Ироқ бош вазири девонхонасига таяниб Al Mawazin портали хабар берди.

"Ироқ ИШИДга қарши курашиш учун ўз ҳудудида Америка қўшинларини сақлаб қолиш тўғрисида ҳеч қандай битим имзоламайди" , - дейилади баёнотда. 

Баёнотда айтилишича, вазирлар маҳкамаси мамлакатдан хориж қўшинлари чиқариб юборилишини талаб қилиб 5 январда парламент томонидан қабул қилинган резолюцияни қўллаб-қувватлайди. 

Аввалроқ АҚШ президенти Дональд Трамп Бағдодга "мисли кўрилмаган санкциялар" билан таҳдид қилиб, Ироқдан Америка қўшинларини олиб чиқиб кетишдан бош тортганди. Бундан ташқари, унинг миллий хавфсизлик бўйича ёрдамчиси Роберт О'Брайен ушбу резолюцияни "мажбурий кучга эга эмас" деб атади. 

Мавзу
Қосим Сулаймонийнинг ўлдирилиши
Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top