Azizbek Baxtiyor oʻgʻli Abdusalomov Namangan viloyati hokimining qishloq va suv xoʻjaligi masalalari boʻyicha oʻrinbosari – viloyat qishloq xoʻjaligi boshqarmasi boshligʻi etib tayinlandi.
U bu lavozimda 2020-yildan buyon ishlab kelgan Anvarjon Hakimovni almashtirdi.
Azizbek Abdusalomov 1992-yil Mingbuloq tumanida tugʻilgan. 2017–2024-yillarda Namangan muhandislik-texnologiya institutini tamomlagan. Mutaxassisligi - muhandis-texnolog, iqtisodchi.
Tayinlovga qadar Mingbuloq tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari - tuman Iqtisodiyot va moliya boʻlimi boshligʻi lavozimida ishlab kelayotgandi.
Xondamir Oxunboboyev Namangan viloyati hokimining turizm, madaniyat, madaniy meros va ommaviy kommunikatsiya masalalari boʻyicha oʻrinbosari lavozimiga tayinlandi.
U bu lavozimda 2021-yildan buyon ishlab kelgan Botir Nuritdinovning oʻrnini egalladi.
Xondamir Oxunboboyev 1989-yilda Namangan shahrida tugʻilgan. Maʼlumoti - oliy. 2013-yilda Namangan muhandislik-pedagogika institutini tamomlagan.
Tayinlovga qadar «Namangan erkin iqtisodiy zonasi direksiyasi» davlat muassasasi direktori lavozimida ishlab kelayotgan edi.
Rustamjon Egamberdiyev Andijon viloyat hokimining turizm, madaniyat, madaniy meros va ommaviy kommunikatsiyalar masalalari boʻyicha oʻrinbosari etib tayinlandi.
Bu lavozimda 2024-yildan buyon Isomiddin Ismanov ishlagan, u 2026-yil aprelida pora bilan qoʻlga tushganidan keyin bu lavozim hozirgacha boʻsh turgandi.
