Bu haqda “Novosti Tashkenskogo Neba” Telegram-kanalida ma'lum qilingan. Ta'kidlanishicha, vertolyotlar hozirda Toshkent xalqaro aeroporti turargohida turibdi.
Avvalroq “Novaya gazeta” nashri 2019 yil 4-choragida O‘zbekistonga 4 ta, 2020 yilda esa yana 8 ta Mi-35M vertolyoti yetkazib berilishini ma'lum qilgan.
Rossiyaning harbiy-texnik hamkorlik bo‘yicha federal xizmati ma'lumotlariga ko‘ra, vertolyotlar O‘zbekistonga 2017 yilda taqdim qilingan davlat eksport krediti bo‘yicha yetkazib berilgan.
Mi-35M yuqori aniqlikdagi zamonaviy qurol bilan qurollangan va turli ob-havo sharoitlarida kun bo‘yi jangovar vazifalarni bajara oladi. Shuningdek, vertolyotlardan harbiylar va texnikani tashishda foydalanish mumkin.
