16:20 / 24.02.2020
0
16717
Хитойда коронавирусдан тузалган 195 киши яна касалланди
Фото: REUTERS / China Daily

Хитойнинг Ухан шаҳрида 24 февраль куни ҳолатига 195 кишида коронавирус инфекциясидан қайта зарарланиш ҳолати қайд этилди. Бу ҳақда ХХР Соғлиқни сақлаш миллий комиссияси хабар берган.

24 февраль кунги маълумотларга кўра, Хитойда коронавирус юқтирганлар сони 77,1 минг кишига етган, ўлимлар сони 2592тани ташкил қилмоқда.

South China Morning Post ҳисобларига кўра, жаҳонда (Хитойнинг материк қисмидан ташқарида) вирус юқтириш билан боғлиқ 2,4 минг ҳолат қайд этилган, сўнгги бир кунда вирусдан зарарланганлар сони 416 нафарга ўсган.

Энг кўп касалланганлар Япония (838 киши) ва Жанубий Кореяда (833 киши). Шунингдек, Италияда ҳам вирус юқтирганлар сони 200 нафардан ошган, вирус тарқалаётган Эрондаги аниқ рақамлар эса маълум эмас.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top