Xalq tabobati akademiyasi raisi: «Tabiblarni o‘qitmasak bo‘lmaydi. Ularning 80 foizi ilmsiz»

Unda Sog‘liqni saqlash vazirligi, Xalq tabobati akademiyasi va O‘rmon xo‘jaligi davlat qo‘mitasi Shifobaxsh dorivor o‘simliklar yetishtirish va qayta ishlash markazi vakillari ishtirok etmoqda.

Xalq tabobati akademiyasi raisi, texnika fanlar nomzodi Mehri Navro‘zovaning so‘zlariga ko‘ra, xalq tabobatiga ijobiy munosabatda bo‘lganlar ham, salbiy munosabatdagilar ham bor.

“Xalq tabobatiga ijobiy munosabatda bo‘lganlar ham, salbiy munosabatdagilar ham bor. 

Tabiblarni o‘qitmasak bo‘lmaydi. Ularning 80 foizi ilmsiz. Shu sababli ham fuqarolarimizda ularga ishonch yo‘q.

Bir soatda rakni davolaymiz, deb aytadigan tabiblar bor. Unaqalarga biz eshigimizni yopamiz. Biz shunday tabiblar bilan kurashishimiz kerak”, - deydi Mehri Navro‘zova.

Sog‘liqni saqlash vazirligi boshqarma boshlig‘i Farhod Rahimqulovning aytishicha, tabiblarga yangi talablar ham qo‘yiladi.

“Tabibning ishxonasi qanday bo‘lishi kerak? U gigiyena talablariga javob beradimi? Endi tabiblarga shu kabi talablar ham qo‘yiladi.

A'zolar bilan bog‘liq har qanday kasallikning xuruj davrida vrachga borgan yaxshi. Undan boshqa holatlarga tabibga ko‘rinish mumkin”, - deydi Farhod Rahimqulov.