Malayziyada yangi bosh vazir tayinlandi

Mamlakat bosh vaziri lavozimi 24 fevalda Mahathir Muhammad iste'foga ketishini e'lon qilgandan keyin egasiz bo‘lib qolayotgandi. Qirol 94 yoshli Mahathirning iltimosini qanoatlantirib, uni vaqtincha bosh vazir etib tayinlagandi. Shuningdek, qirol mamlakat tarixida birinchi marta parlament quyi palatasining har bir deputati, partiya va fraksiyalar yetakchilari bilan alohida uchrashuvlar o‘tkazgan. Qirollik saroyi bayonotida ma'lum qilinishicha, “maslahatlashuvlar natijalariga ko‘ra, Muhiddin ko‘pchilik deputatlar tomonidan qo‘llab-quvvatlanishi ayon bo‘lgan” va shu sababli uni bosh vazir etib tayinlashga qaror qilingan.        

Biroq sobiq bosh vazir Mahathir deputatlarning aksariyati Muhiddin Yassinni bosh vazir lavozimida qo‘llab-quvvatlamasliklarini ma'lum qildi. 

“Oliy hukmdorning Muhiddinni bu lavozimga tayinlash qarori taajjublidir, chunki u ko‘pchilikning qo‘llab-quvvatloviga ega emas. Oliy hukmdor bor haqiqatni aytish uchun men bilan uchrashmoqchi emas”, deb Mahathir aytgan so‘zlarni keltirib o‘tgan The Star nashri. Sobiq bosh vazirning ta'kidlashicha, keyingi qadam parlament chaqirig‘ini o‘tkazib, unda yangi bosh vazirga ishonch bildirish masalasi ko‘tarilishi bo‘ladi. 

Mahathirning aytishicha, ayni vaqtda mamlakatda “saylovlarda yuqazganlar hukumatni shakllantirib, parlamentdagi ko‘pchilik esa muxolifatga ketishga majbur bo‘layotgan g‘ayrioddiy vaziyat yuzaga keldi”.