00:10 / 03.03.2020
0
13629
“Толибон” асирда ушлаб турилган аъзолари озод этилмагунча музокаралардан бош тортди 

“Толибон” ҳаракати Афғонистон ҳукумати ҳаракатнинг 5 минг аъзосини озод этмагунча Афғонистондаги тинчлик музокараларида иштирок этмайди. 

Фото: AFP

Бу ҳақда толибларнинг расмий вакили Забиҳулла Мужоҳид Reuters ахборот агентлигига хабар берди. 

“Агар 5000 толиб озод этилмаса, Афғонистонаро музокаралар бўлмайди”, деб айтган Мужоҳид.

АҚШ ва “Толибон” ўртасида Доҳада имзоланган тинчлик келишувида 10 март кунигача “Толибон”нинг 5 минг аъзоси озод қилиниши айтилган. “Толибон” ўз навбатида минг кишини озод этади.     

Бу орада Афғонистон президенти Ашраф Ғани асирда ушлаб турилган толибларнинг озод этилиши Афғонистонаро музокаралар ўтказилиши шарти бўла олмаслигини айтган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top