Mijozlardan 57 milliarddan ortiq pul yiğib olgan «Avto 60 oy» faoliyatini 10 mln söm bilan boşlagani ma'lum böldi
|02:19 / 04.03.202038 5459 min
Tergov ma'lumotiga köra, MÇJ faoliyatini 10 million söm bilan boşlab, ustav fondini şakllantirmagan.
2 mart kuni ayni masala yuzasidan Interpol milliy markaziy byurosida matbuot anjumani bölib ötdi. Unda «Avto 60 oy» rahbari Jamşid Bahodirovning onasi Malohat Zokirova ham qatnaşib, yiğilganlarga murojaat qildi.
«Sizlardan yordam sörayman, heç kimning pulini yeb ketmaydi. Hamma pullaring «Avto oltmish oy»ning hisobida turibdi. Pullaringni qaytaradi. Özi qiynalgani uçun, xalqqa yordam beriş uçun bu işlarni qilgan. Agar jinoyat qilgan bölsa, jinoyati sud davomida körib çiqiladi.
U ehsonlar qilgan, mehribonlik uylariga xayriyalar bergan. Lekin birovlarning pulini yeb ketgan joyi yöq. Bolam sizlarga zarar yetkazgan bölsa, hammalaringdan uzr sörayman. Xudo xohlasa, suddan eson-omon çiqsa, pullaringni qaytarib beradi», dedi u.
«Siz hozir yetkazilgan zararning hammasi qoplab beriladi, deb aytyapsiz. MÇJ hisob raqamidagi pullar va mol-mulklar 34 milliard sömni taşkil qilyapti. Odamlardan esa 57 milliard söm jalb qilingan. Qolgan mablağlar qayerda?
Jamşid Bahodirovda 18 ming 818 nafar odamga xuddi şunça avtomaşina yetkazib beriş majburiyati bor. Şunça fuqarodan 96 nafari transport vositasi olgan xolos. Qolganlarga qaysi pul mablağlari hisobidan avtomaşina qilib beradi? U faoliyatini 10 million söm bilan boşlagan. Ustav fondini şakllantirmagan.
Ehson qilişdan oldin 18 ming nafardan ortiq odam oldidagi majburiyatini bajarişi kerak. Agar faoliyatida foydaga kirsa, söngra xayriyalar qilişi mumkin. Ammo şartnoma böyiça majburiyatini bajarmay turib, fuqarolardan olingan pullarni xayriyalarga sarflaşga haqqi yöq», – dedi Dolixöjayev.
Malohat Zokirova tergov paytida öğliga tazyiq ötkazilganini aytmoqda – iddao öz isbotini topmasa, u javobgarlikka tortilişi mumkin.
«Tergov jarayonida bolamga nisbatan tazyiqlar böldi. Öğlimni menga yozgan xatida yozilişiça, 4 noyabrdan 5 noyabrga ötar keçasi «Toşturma»dan olib kelişgan. Öşanda tazyiq ötkazişgan.
Narkologiya dispanseridan ham odam olib kelişgan ekan. Öşa yerda Alişer «oper» va Farhod Ergaşev bölgan. Alişer «oper» öğlimdan 900 ming dollar talab qilgan.
Mavzuga oid
«900 ming dollar bersang, seni suddan çiqarib yuboramiz. Pulni falonçi, falonçilarga beramiz», degan. Öğlim şu gaplarni 2-3 varaqli xatida özidan-özi yozmasa kerak. Lekin bu böyiça oddiy tekşiruv böldi, tezda yopilib ketdi.
Biz oddiy kambağal fuqarolar qolib ketaveramiz. «Straus House» ta'sisçisidan ham 1 million dollar söraşgan ekan. U bola ham bölmagan gapni aytmasa kerak.
Bu holatlar böyiça hamma joyga murojaat qildim. Sizlarga ham köp marotaba xat yozdim. Yozmagan joyim qolmadi. Tergov departamenti tekşirib, körib çiqyapti, degan javobni oldim. Tergovçi, «oper»larga nisbatan nima çora kördilaringiz? Qani şuni aytinglar?» – dedi Malohat Zokirova.
IIV Tergov departamenti bölim boşliği Azizbek Dolixöjayev bu savollarga javoban aytişiça, Jamşid Bahodirov tergov idorasiga jinoyat işi qözğatilib, viloyatlardagi ofislarida tintuv ötkazilganidan keyin keltirilgan. Şundan söng unga nisbatan gumonlanuvçi tariqasida çaqiruv qarori e'lon qilinib, söroq qilingan.
Azizbek Dolixöjayev
Tergov jarayonlari töliq videoga yozib olingan.
«Jamşid Bahodirov bilan boğliq tergov harakatlari himoyaçilari iştirokida amalga oşirilgan. Uning bitta emas, ikki-uçta himoyaçilari bor.
Qolaversa, hozir har bir tergov xonalari kuzatuv kameralari bilan jihozlangan. Öğlingiz saqlanayotgan vaqtinça saqlaş hibsxonasida ham kameralar örnatilgan. Ular 24 soat töxtovsiz videotasvirga oladi. Murojaatingiz böyiça xizmat tekşiruvi ötkazilgan va öz tasdiğini topmaganligi bois qanoatlantiriş rad qilingan», – dedi Azizbek Dolixöjayev.
Tergov departamenti boşliği örinbosari – Jinoyatlarni tergov qiliş boşqarmasi boşliği Oybek Qulbekov uşbu iddaolar böyiça qaytadan xizmat tekşiruvi tayinlanişini ma'lum qildi.
«Bu bölmagan gap. Şunga qaramay bu böyiça xizmat tekşiruvi tayinlaymiz. Voqea 4 noyabrdan 5 noyabrga ötar keçasida bölgani aytildi, videoarxivni kötartiramiz. Vaqtinçalik uşlab turiş hibsxonasining hamma videokameralaridagi yozuvlarni örganmiz. Odilona, adolatli qaror qabul qilamiz.
Oğzaki ayblovlardan voz keçaylik. Aniq dalillaringiz bölsa bering, kunlari, joylarini ayting, suriştirib tagiga yetamiz. Keling, hammasini oçiqçasiga qilamiz. Xizmat tekşiruvi ötkaziladi. Hibsxonaga kim kirgan, kim çiqqan – hammasiga oydinlik kiritiladi.
Bu jarayonga OAVni ham taklif qilamiz. «Straus House» ta'sisçisining tergovçilar 1 mln dollar talab qilgani haqidagi asossiz ayblovidan keyin 900 mln (900 ming dollar demoqçi – tahr.) dollar söralgani haqidagi gap-sözlar paydo böldi. Bunga nuqta qöyişimiz kerak. Biz ham özimizning qonunda belgilangan huquqlarimizdan foydalaniş vaqti keldi, deb öylayman», deydi u.
Oybek Qulbekov
Oybek Qulbekovning ta'kidlaşiça, fuqaro Malohat Zokirovaning aytgan gaplari tasdiğini topsa, aybdorlarga nisbatan qonunda belgilangan tartibda çora köriladi. Agar bu gap asossiz bölib çiqsa, uning özi javobgarlikka tortiladi.
«Bolam bu işlarni boşlaganida yomon niyatda bölmagan. Otasizlikda östirganman. Xalqqa foydasi tegişi uçun, xalq hojatini çiqariş uçun oçgan bu firmani. Balki notöğri iş qilgandir, xato qilgandir öqimagani uçun, kollejni bitirgani uçun.
Öğlim faoliyatini endi boşlaganida, işxonasida tekşiruv bölgan. Alişer «oper» borib, tekşiruv ötkazgan. Hamma hujjatlari töğriligini isbotlab berişgan. Şunda ham bolamni tinç qöyişmadi.
Tergovga kelganimda Farhod Ergaşev «Öğlingizni tört marotaba çaqirganmiz, quloq solmagan», deb bir neça marta aytdi. Nima uçun firma 12ta viloyatda ofislarini oçib, işlari kattalaşib ketgunga qadar biror kişi indamadi?! Nima sababdan qamab qöyişgan, 5 oydan beri qamoq jazosida», – deydi Malohat Zokirova.
Eslatib ötamiz, 2019 yilning oktyabrida «Avto oltmish oy» MÇJ mansabdor şaxslari va boşqalarga nisbatan Jinoyat kodeksining 188-1-moddasi 1-qismi, ya'ni pul mablağlarini va boşqa mol-mulkni jalb etişga doir noqonuniy faoliyatini tekşiriş maqsadida jinoyat işi qözğatilgandi.
Jinoyat işi qözğatilişiga UzAutoMotors AJning IIVga uşbu MÇJning şubhali faoliyat körsatayotganini bildirib yöllagan murojaati yuzasidan tergovga qadar suriştiruv vaqtida aniqlangan holatlar asos bölgan.
Tergov ma'lumotiga köra, «Avto oltmish oy» MÇJ ta'sisçisi va boşqa mansabdorlari fuqarolarga foizsiz, pulini 5 yil davomida bölib-bölib tölaş şarti bilan avtotransport olib berişni va'da qilib, odamlardan transport vositasi turiga qarab 2 mln sömdan 10 mln sömgaça pul olgan, 19 mingga yaqin mijozdan jami 57 milliard 412 million söm yiğilgan.
Jabrlanuvçilarga yetkazilgan umumiy zararning undirilgan qismi 34 milliard 148 million söm bölib, şundan naqd pul şaklidagisi 26 milliard söm, xatlangan mol-mulklar esa 8 milliard 148 million sömdan iborat. Kamomad 23 mlrd 264 mln sömni taşkil etmoqda.
Tergov departamenti «Avto oltmish oy» MÇJ rahbari Jamşid Bahodirov jinoiy sxemani bir özi öylab topişga qodir emasligini ta'kidlagan. Uning jinoiy şeriklari bor va ayni vaqtda ularning sonini aniqlaş davom etmoqda.
Uşbu iş böyiça gumonlanuvçilar ehtiyot çorasi sifatida qamoqda saqlanmoqda, bir nafar gumonlanuvçiga nisbatan «garov» ehtiyot çorasi qöllangan. Hujjatli taftiş yakuni böyiça qolgan şaxslar va jamiyatning viloyatlardagi filiallaridagi menejyer hamda kassirlarining harakatlariga huquqiy baho berilişi aytilmoqda.
«Avto oltmish oy» MÇJ rahbari va boşqa mansabdorlariga nisbatan qözğatilgan jinoyat işini tergov qiliş uçun belgilangan muddat 7 oygaça, ya'ni 2020 yilning may oyigaça uzaytirilişi kutilmoqda. Hozirgaça mazkur jinoyat işi böyiça qariyb 17 ming fuqaro söroq qilingan. Jabrlanuvçilar töliq söroq qilinib, zarar miqdori aniqlangandan keyingina tergov yakunlanadi va iş sudga oşiriladi.
