01:09 / 27.03.2020
28075

Moskva oblasti osmonida uchuvchilar uyda qolishga chorlovchi yozuvlar hosil qilishdi (video)

Moskva viloyatida uchuvchilar osmonda koronavirus pandemiyasi vaqtida uyda qolishga chorlovchi yozuvlarni hosil qilishdi. Ular osmonda ikki tilda yozuv qoldirishgan.

Ushbu antiqa aksiyani “Pervyy polyot” pilotaj guruhi uchuvchilari amalga oshirishgan. Ular osmonda samolyotlar yordamida rus tilida “Beregi sebya - Ostavaysya doma” (O‘zingni saqla - Uyda qol) hamda ingliz tilida “Resist this - stay home!” (Bunga qarshilik ko‘rsat – uyda qol) deb yozishgan.

Uchuvchilar aksiyani karantinga rioya qilish va uyni zaruratsiz tark etmaslik kerakligiga yana bir bor e'tibor qaratish maqsadida amalga oshirishgan.  

Rossiyada keyingi hafta dam olish haftasi deb e'lon qilindi. Bu kunlar odamlardan uyda qolish, mehmonga bormaslik, sayrlardan voz kechish so‘ralgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Top