Pokistondan 22 nafar o‘zbekistonlik Toshkentga qaytarildi

Dushanba, 6 aprel kuni O‘zbekistondagi 128 nafar pokistonlik Pokiston xalqaro aviakompaniyasining maxsus parvozi bilan mamlakatga qaytarildi.

Foto: radio.gov.pk

Elchixona tarqatgan press-relizga tayanib AAJTVning xabar berishicha, gumanitar ishora sifatida xuddi shu reys orqali 22 nafar O‘zbekiston fuqarolari Pokistondan qaytarilgan.

«Ushbu pokistonlik fuqarolar orasida O‘zbekiston Respublikasiga qisqa muddatli vizalar bilan kelgan va COVID-19 avj olganidan keyin xalqaro reyslarning to‘xtatilishi sababli Pokistonga qaytib kela olmagan sayyohlar kiradi» , - deya ma'lumot beriladi xabarda.

Pokistonning Toshkentdagi elchixonasi o‘z fuqarolarining O‘zbekistonda bo‘lish bilan bog‘liq barcha sharoitlarni yaratib bergan hamda evakuatsiya ishlarini tashkil etishda faol ishtirok etgan.

#Pokiston