«Shomurodov - №1» - Rossiya milliy jamoasi va «Zenit» sobiq hujumchisi Eldorni Dzyubadan ustun qo‘ydi

Rossiya milliy jamoasi va «Zenit» klubi sobiq hujumchisi Aleksandr Panov «Sport-Ekspress» gazetasiga intervyu berarkan, o‘zbekistonlik hujumchi Eldor Shomurodovni Rossiya Premer-ligasining eng yaxshi futbolchisi deb atadi.

«Aleksandr Kerjakov Rossiya Premer-ligasining eng yaxshi uch futbolchisi deya - Yeremenko, Dzyuba va Bakayevni tanladi. Bu borada siz qanday fikrdasiz?», - deya jurnalist tomonidan berilgan savolga Panov quyidagicha javob berdi:

«Bakayev malasida qo‘shilaman. Ammo uning hali yosh ekanligi va barqaror to‘p surmayotganligi bois, ikkinchi o‘ringa qo‘yaman. Uchinchi o‘ringa esa «Lokomotiv»ning polshalik futbolchisi Krixovyakni tanlayman. Chempionatning birinchi raqamli futbolchisi esa – Shomurodov», - deya javob bergan rossiyalik taniqli sobiq hujumchi.

Ma'lumot uchun, Eldor Shomurodov ushbu mavsumda 11ta goli bilan Artyom Dzyubadan so‘ng Rossiya chempionatining eng yaxshi ikkinchi to‘purari bo‘lib turibdi.