01:47 / 28.04.2020
11090
Эронда коронавирусдан “дори” сифатида метанол қабул қилиш 728 киши ўлимига олиб келди

Эрон аҳолиси орасида метанол (метил спирти) коронавирусдан даволаши борасидаги янглиш фикр 20 февралдан 7 апрелгача 728 кишининг ўлимига олиб келди.

Фото: Amir Hesaminejad

Бу ҳақда Эрон соғлиқни сақлаш вазирлиги маслаҳатчиси Ҳусайн Ҳасаниан маълум қилган. 

Эронда спиртли ичимликлар истеъмол қилиш шариат билан қатъиян тақиқланган бўлса-да, бироқ аҳоли орасида метанол коронавируснинг олдини олишда ва ундан даволашда истеъмол қилиниши кераклиги ҳақида гаплар юрибди.

Таъкидланишича, алкоголга талаб ошгани ортида маҳаллий “самогончилар” заҳарли метанол сотишни бошлашган. Унинг истеъмоли оғир заҳарланишга ёки ҳаттоки ўлимга олиб келиши мумкин.

Эроннинг суд-тиббиёт экспертизаси миллий бошқармасида маълум қилинишича, мамлакатда жорий йилда алкоголдан заҳарланишлар 2019 йилга нисбатан 10 мартадан кўпроққа ошган. 2019 йилда мамлакатда 66 киши алкоголдан заҳарланиб вафот этган.

Охирги маълумотларга кўра, Эронда коронавирусга чалинганлар сони 91 мингдан кўпроқни, вафот этганлар 5806 нафарни ташкил қилмоқда. 70 мингдан кўпроқ киши касалликдан соғайиб кетган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top