08:02 / 02.05.2020
8309
Тошкентда Келес йўлининг бир қисми уч кунга ёпилди

Олмазор тумани Келес йўли кўчасида ободонлаштириш ва таъмирлаш ишлари олиб борилмоқда

Тошкент шаҳрида 1 май куни соат 23:00дан 4 майга қадар Келес йўлининг Кичик ҳалқа йўлидан Ҳасанов кўчалари оралиғидаги қисми вақтинча ёпилди.     

Пойтахт ҳокимлиги матбуот хизмати хабарига кўра, бу Олмазор тумани Келес йўли кўчасида ободонлаштириш ва таъмирлаш ишлари олиб борилаётганлиги сабабли амалга оширилди.

Қайд этилишича, шу вақт оралиғида ушбу йўналиш бўйлаб ҳаракатланувчи транспорт воситалари айланма йўллар орқали юришлари мумкин бўлади.  

Top