08:33 / 12.05.2020
24828
Қирғизистон Сардоба сув омбори ўпирилиши натижасида зарар кўрган аҳолига инсонпарварлик ёрдами юборди

Қирғизистон ҳукумати Сардоба сув омбори қисман ўпирилиши натижасида зарар кўрган аҳолига инсонпарварлик ёрдами юборди.

Фото: Янгиер шаҳар ҳокимлиги матбуот хизмати

Янгиер шаҳар ҳокимлиги матбуот хизмати хабарига кўра, инсонпарварлик ёрдами ортилган поезд Қирғизистон Республикасининг Ўзбекистондаги элчиси И.Жунусов ва Қирғизистон Фавқулодда вазиятлар бўйича вазирлигининг вакили кузатуви остида Янгиер шаҳрининг Yangi-Yangiyer темирйўл станциясига етиб келган.

Билдирилишича, бу ерда делегацияни вилоят ҳокими Ғ.Мирзаев бошчилигидаги масъуллар кутиб олди.

Қайд этилишича, мазкур инсонпарварлик ёрдамидан 1000 тонна цемент, 100 тонна гуруч ва 10 тонна ўсимлик ёғи ўрин олган.

Мавзу
Сардобада сув тошқини
1 май куни тонгда Сирдарё вилоятидаги «Сардоба» сув омбори дамбаси девори бузилиб, сув тошиб чиқди.
Барчаси
Top