15:13 / 20.05.2020
14155
Дунё бўйича коронавирусга чалинганлар сони 5 миллиондан ошди

Касаллик юқтириш ва ўлимлар сони бўйича АҚШ етакчи бўлиб турибди - 1 570 583 киши касалликка чалинган, 93 533 киши вафот этган.

Фото: PA MEDIA

Дунё бўйича янги турдаги коронавирусга чалиниш билан боғлиқ ҳолатлар сони  5 миллиондан ошди. Worldometer сайтининг 14.45 даги маълумотига кўра, касаллик юқтириш тасдиқланган ҳолатлар 5 003 155тани ташкил этган.

Вафот этганлар сони 325 218тага етган, 1 970 918 киши соғайган.

Касаллик юқтириш ва ўлимлар сони бўйича АҚШ етакчи бўлиб турибди - 1 570 583 киши касалликка чалинган, 93 533 киши вафот этган. Россия 308 705 нафар бемор ва 2972та ўлим билан иккинчи ўринда. 

Мутахассисларнинг ҳисоблашларича, касалликка чалинганлар сони аслида анча кўп бўлиб, статистикада фақат аниқланган ҳолатларгина ҳисобга олинган.

Жонс Хопкинс университети маълумотларига кўра эса, дунё бўйича касалликка чалинганлар сони 4 913 761 кишига етган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top