O‘zbekistonda dastlabki pullik yo‘llar 2023-yildan keyin quriladi

Rejada sakkizta yirik transport loyihalarini amalga oshirish to‘g‘risida asosiy ma'lumotlar mavjud, deya xabar berdi agentlik matbuot xizmati.

Xususan, Toshkent-Andijon pullik yo‘li qurilishi va foydalanishga topshirilishi loyihasi Transport vazirligi hamda Jahon banki tomonidan o‘rganilmoqda. DXSh asosida loyihaning maqsadga muvofiqligi asosida, 2021 yilning ikkinchi choragida tender e'lon qilish va 2022 yilning ikkinchi choragida tender g‘olibini aniqlash rejalashtirilgan. Bundan tashqari, qurilishning taxminiy muddati 24 oyni tashkil etadi.

Yana bir loyiha - Toshkent-Samarqand pullik yo‘lini qurish va foydalanishga topshirish Yevropa tiklanish va taraqqiyot bankining ko‘magi bilan ishlab chiqilmoqda

Loyihaning dastlabki texnik-iqtisodiy asoslarini tayyorlash bo‘yicha ishlar 2020 yil oxirida yakunlanishi kutilmoqda. Tender 2021 yil boshida boshlanadi va iyulda tugaydi (qurilish muddati 24 oy).

Rejada aviatsiya infratuzilmasini modernizatsiya qilish loyihalari ham bor.

Ta'kidlanishicha, Jahon banki DXSh mexanizmi orqali O‘zbekistondagi mintaqaviy aeroportlarni modernizatsiya qilish imkoniyatlarini o‘rganib chiqqan. Xalqaro infratuzilma fondi (GIF) ushbu ish uchun 350 ming dollar miqdorida grant ajratdi. Aeroportlarni qurish va modernizatsiya qilish bo‘yicha pilot dasturiga Andijon, Qashqadaryo, Xorazm viloyatlari va Qoraqalpog‘iston Respublikasi aeroportlari kiritilgan.

2020 yil oxirigacha o‘rganishni yakunlash va takliflarni yuborish uchun maslahatchilarni jalb qilish rejalashtirilgan.

Bundan tashqari, Osiyo taraqqiyot banki (OTB) bilan hamkorlikda 2030 yilgacha O‘zbekistonda yo‘llarni rivojlantirish strategiyasi, Jahon banki bilan hamkorlikda transport sektorining bosh rejasi ishlab chiqilmoqda.