17:31 / 19.06.2020
1215
T-Mobile ва AT&T иш ўринларини қисқартирмоқда 

AT&T яқин ҳафталарда 3,4 мингдан ортиқ иш ўрнини қисқартирмоқчи. Бунга дўконларнинг ёпилиши натижасида қисқарадиган юзлаб иш ўринлари кирмайди.

Американинг T-Mobile US алоқа оператори иш ўринларини режалаштирилганидан кўра тезроқ қисқартиришни бошлади.

Компания неча кишини ишдан бўшатишини маълум қилмади. 2019 йил охирида компанияда 53 минг киши ишлаётганди.  

Шу билан бирга, T-Mobile бош ижрочи директори Майк Сиверт компания янги вакансияларга 5 минг ходимни ёллашни режалаштираётганини маълум қилди.

T-Mobile’нинг рақобатчиси AT&T Inc харажатларни қисқартириш чоралари доирасида бир неча минг ишчисини бўшатиш режасини тақдим этди.

AT&T яқин ҳафталарда 3,4 мингдан ортиқ иш ўрнини қисқартирмоқчи, деб ёзади The Wall Street Journal. Бунга дўконларнинг ёпилиши натижасида қисқарадиган юзлаб иш ўринлари кирмайди. Компания коронавирус пандемияси фонида онлайн-савдога ўтишни тезлаштириб, дўконларини ёпмоқда.

Top