11:37 / 15.06.2018
5965

Dunyodagi eng yirik telekommunikatsiya kompaniyasi 85 mlrd dollarlik xaridni amalga oshirdi

Foto: Getty Images /Ulrich Baumgarten

Jahondagi eng yirik telekommunikatsiya kompaniyasi AT&T Time Warner mediakorporatsiyasini 85 mlrd dollarga sotib olish bo‘yicha kelishuv yakuniga yetkazilgani haqida ma'lum qildi. Bu haqda CNN kompaniya bayonotiga asosan xabar bermoqda.

AT&T bosh direktori Randall Stivensonning va'da berishicha, kompaniya «media va ko‘ngilochar soha ishiga doir yangi yondashuvni» tanlaydi.

AQSh federal sudi ikki kun avval AT&T Time Warner’ni xarid qilishi mumkin ekani haqida qaror chiqardi. Okrug sudyasi Richard Leonning o‘z qarorida ma'lum qilishicha, AQSh Adliya vazirligi ikki mediagigantning birlashishi Amerika monopoliyaga qarshi qonunchiligiga zid ekanini isbotlay olmagan.

Top