Ma'muriy javobgarlik töğrisidagi kodeksning 128-3-moddasida haydovçilarning harakat tezligini belgilangan me'yoridan oşirib yuborgani uçun, oşirilgan harakat tezligiga qarab, uç xil oğirlikdagi jarima turi nazarda tutiladi.

Bunda:

  • tezlik belgilanganidan soatiga 20 kilometrdan köp bölmagan kattalikda oşirib yuborilganda – bazaviy hisoblaş miqdori*ning bir baravari, ya'ni 223 000 söm miqdorida;
  • soatiga 20 kilometrdan ortiq, lekin 40 kilometrdan köp bölmagan kattalikda oşirib yuborilganda beş baravari, 1 115 000 söm  miqdorida;
  • soatiga 40 kilometrdan oşirib yuborilganda töqqiz baravari, ya'ni 2 007 000 söm miqdorda jarima solişga sabab böladi.

(* bir bazaviy hisoblaş miqdori 223 000 sömga teng)

Ma'lumki, Soliq kodeksida soliq tölovçining haqligi prezumpsiyasi prinsipi mavjud bölib, unga köra soliq töğrisidagi qonun hujjatlaridagi barça bartaraf etib bölmaydigan qarama-qarşiliklar va noaniqliklar soliq tölovçining foydasiga talqin etiladi. Buni dabdurustdan tilga olganimizning sababi – yöl harakati qoidalarining buzilişi böyiça fuqarolarni javobgarlikka tortiş masalasida ham şunga öxşaş qoida amal qiladi.

Xususan, Adliya vazirligida 2011 yil 5 iyulda 2240-son bilan röyxatga olingan Yöl harakati qoidalarining buzilişiga doir ma'muriy işlarni körib çiqiş tartibi töğrisidagi yöriqnomaning 8-bandida haydovçi belgilangan tezlikni oşirib yuborganda tezlikni ölçaydigan maxsus uskunalar va transport vositalari spidometrlari körsatkiçlaridagi yöl qöyilişi mumkin bölgan jami nuqsonlar jamlangan holda hisobga olinişi kerak.

Bunda tezlikni ölçaydigan uskuna ruxsat etilgan tezlikdan soatiga 5 kilometrdan oşiq bölganini körsatgan taqdirda ma'muriy bayonnoma tuziladi.

Ya'ni, tezlikni ölçaşda vujudga kelişi mumkin bölgan texnik nuqsonlar haydovçi foydasiga hal qilingan holda şartli ravişda qonunçilikda +5 km/soat birlik belgilab qöyilgan.