Toshkent shahar IIBB YHXB ijtimoiy tarmoqlarda tarqalgan video yuzasidan munosabat bildirdi.
Videoda Lacetti rusumli avtomobil haydovchisi piyodaga yoʻl bermasdan harakatlangani aks etgan.
Holat YHXB xodimlari tomonidan oʻrganilib, haydovchiga nisbatan Maʼmuriy javobgarlik toʻgʻrisidagi kodeksning tegishli moddasi asosida maʼmuriy bayonnoma rasmiylashtirilgan.
Shuningdek, haydovchi bilan profilaktik suhbat oʻtkazilgan.
YHXB haydovchilarni tartibga solinmagan piyodalar oʻtish joylariga yaqinlashganda tezlikni pasaytirish, piyodalarga yoʻl berish uchun toʻxtash va ular xavfsiz oʻtib olganidan soʻng harakatni davom ettirishga chaqirdi.
