Botsvanada yuzlab fillar nobud bo‘lishining ehtimoliy sababi ma'lum qilindi

Uning ta'kidlashicha, mamlakatda kamida 281 ta fil nobud bo‘lgan.

Nobud bo‘lgan fillarning turli davlatlarda qilingan tahlillari natijalari ularning nobud bo‘lishiga yuqumli kasallik sabab bo‘lgani ehtimoli kamligini ko‘rsatgan. Olimlar aynan qanday zaharli modda fillarning ko‘plab nobud bo‘lishiga sabab bo‘lganini aniqlashtirishmoqda.

Bostvanada fillarning ommaviy nobud bo‘lishi mart oyidan boshlangan. Fillarning ko‘zdan kechirilishi ular brakonerlar tomonidan o‘ldirilmaganiga ishora qilmoqda: jonzotlar tanasida zo‘ravonlik bilan o‘ldirilgani alomatlari topilmagan, dandon tishlari ham joyida bo‘lgan. Bunga kuydirgi sabab bo‘lgani taxmin qilingan, biroq oxirgi tahlillar bu versiyani rad etgan.   

Science Alert portali ma'lumotlariga ko‘ra, nobud bo‘lgan fillarning aksariyati yuztuban yotgan holatda bo‘lgan. Bu ular juda tez vaqt ichida halok bo‘lganini anglatadi. Bundan tashqari, o‘lik fillarning aksariyati Botsvana shimolidagi suv havzalari yonida, Okavango Delta ko‘riqxonasida topilgan. Shu bilan birga, qo‘shni Namibiyada fillarning bunday ommaviy nobud bo‘lishi kuzatilmagan.         

Ta'kidlab o‘tish joiz, Botsvanada Afrikadagi barcha fillarning uchdan bir qismi, ya'ni 130 mingdan ortiqroq fil bor.