Bill Geyts Uorren Baffettni 90 yoshi bilan antiqa uslubda tabrikladi

Amerikalik milliarder, Microsoft asoschisi Bill Geyts o‘z do‘sti – boshqa bir milliarder Uorren Baffettni 90 yoshga kirgani bilan tabriklab, unga atab o‘z qo‘llari bilan tort pishirdi.

Geyts shirinlik tayyorlayotganini videoga olib, uni tvitterda e'lon qilgan.

Milliarder 1 daqiqalik videoda tort tayyorlashi jarayonini va natijada nima hosil bo‘lganini namoyish qilgan. Geyts tortining ustki qismida Baffetning yuzi tasvirini hosil qilgan.

“90 yoshing bilan, Uorren”, deb yozuv qoldirgan Geyts videoga.

Uorren Baffet 30 avgustda 90 yoshini qarshiladi. Ayni vaqtda uning boyligi 82,4 mlrd dollarga, Bill Geytsniki esa 117 mlrd dollarga baholanmoqda.