11:24 / 21.09.2020
5464
Ўзбекистон номзоди Туркий кенгаш бош котиби ўринбосари сифатида иш бошлайди

Мирвоҳид Азимов Туркий кенгашдаги фаолиятини шу йил октябрь ойидан бошлаши кутилмоқда.

Ўзбекистон Ташқи ишлар вазирлигига Туркий тилли давлатлар ҳамкорлик кенгаши (Туркий кенгаш) бош котиби ўринбосари лавозимига Ўзбекистон фуқароси Мирвоҳид Азимов номзодини тасдиқлаш жараёни якунлангани ҳақидаги маълумот тақдим этилди, деб хабар бермоқда “Дунё” ахборот агентлиги.

Мирвоҳид Азимов Тошкент шаҳрида туғилган, 40 ёшда. Жаҳон иқтисодиёти ва дипломатия университетини 2003 йилда халқаро ҳуқуқ бўйича бакалавр ва магистр даражаси билан тамомлаган, юридик фанлари номзоди.

У Ташқи ишлар вазирлигида 17 йиллик меҳнат тажрибасига эга. Тўрт йил давомида Пекиндаги Шанхай ҳамкорлик ташкилоти котибиятида ишлаган. 2012 йилдан буён Ташқи ишлар вазирлигининг юридик бўлимини бошқариб келади.

Мирвоҳид Азимов Туркий кенгашдаги фаолиятини шу йил октябрь ойидан бошлаши кутилмоқда.

Top