13:17 / 23.09.2020
4384
«Ювентус» Мората трансферини эълон қилди

«Атлетико» ҳужумчиси Альваро Мората «Ювентус»га қайтди. Бу ҳақда туринликлар матбуот хизмати маълум қилди.

«Ювентус» 27 ёшли футболчини бир мавсумга ижарага олган, келишувга кўра ижара муддати яна бир йилга узайтирилиши ҳам мумкин.

Туринликлар клуби 27 ёшли испаниялик футболчининг ижараси учун 10 млн евро тўлайди. Шунингдек, шартномада «Ювентус» ҳужумчини 45 млн еврога сотиб олиш ҳуқуқига эгалиги ҳам кўрсатилган. Бу миқдор уч йил давомида тўлаб берилади.

Ижара шартномасини узайтириш учун «Ювентус»га яна 10 миллион евро тўлаши керак бўлади, сотиб олиш учун белгиланган кейинги нарх эса 35 миллион еврога тушади.

ОАВ маълумотига кўра, Моратанинг йиллик маоши миқдори 7,5 миллион еврони ташкил этади.

«Юве» Мората учун бегона эмас. У туринликлар сафида 2014 йилдан 2016 йилгача ўйнаган ва 27та гол, 18та ассистни ўз ҳисобига ёздириб қўйган.

Top