Tojikistonda O‘zbekiston mablag‘lari hisobiga qurilgan yangi maktab foydalanishga topshiriladi 

Tojikiston ta'lim va fan vaziri Mahmudyusuf Imomzoda va O‘zbekiston xalq ta'limi vaziri Sherzod Shermatov So‘g‘d viloyati Spitamen tumanida yangi o‘rta maktabning ochilish marosimida ishtirok etadi, deb xabar berdi «Aziya-Plyus»ga So‘g‘d viloyati rahbari ma'muriyatidagi manbasi.

640 o‘quvchiga mo‘ljallangan maktab O‘zbekistonning davlat budjeti mablag‘lari hisobiga qurildi va jihozlandi. Uni qurish to‘g‘risidagi bitim O‘zbekiston prezidenti Shavkat Mirziyoyevning 2018 yil mart oyida Tojikistonga davlat tashrifi chog‘ida imzolangan.

Maktabning ochilish marosimi 27 sentyabrga belgilangan.

Ikki tomonlama kelishuvlarga ko‘ra, Spitamendagi maktabdan tashqari, o‘zbek tomoni Xatlon viloyati Kubodiyon tumanida 200 o‘rinli shifoxona qurmoqda.

Tojikiston, o‘z navbatida, Samarqand shahrida 640 o‘quvchiga mo‘ljallangan maktab va Farg‘ona viloyatining Rishton tumanida maktabgacha ta'lim muassasasi qurilishi to‘g‘risida e'lon qilgan.