1 martdan jarima xatlari pochta orqali yuborilmasligi mumkin

“O‘zbekiston pochtasi” AJ 2026 yil 1 martdan boshlab yo‘l harakati qoidalarini buzganlik uchun YHXX Jamoat xavfsizlik departamenti tomonidan shakllantiriladigan ma’muriy bayonnomalar — jarima xatlarini yetkazib berish xizmati to‘xtatilishini ma’lum qildi.

Qayd etilishicha, xizmat ko‘rsatishning to‘xtatilishiga pochta va Ichki ishlar vazirligining “Xavfsiz shahar” tizimlarini rivojlantirish davlat muassasasi bilan 2026 yil uchun shartnoma imzolanmagani sabab bo‘lgan. Shu bois mazkur yo‘nalishdagi pochta jo‘natmalari qabul qilinmaydi va yetkazilmaydi.

“O‘zbekiston pochtasi” AJ mazkur masala yuzasidan qo‘shimcha tafsilotlar e’lon qilinishi bilan jamoatchilikka ma’lum etilishini bildirdi.