Qoʻshimcha funksionallar
-
Tungi ko‘rinish
Trampning Xitoy bankida hisobraqami borligi ma'lum bo‘ldi
Qayd etilishicha, Xitoydagi bir nechta korxona Tramp tashkilotiga tegishli. Birgina THC China Development korxonasi 2017 yilda 17 million dollardan ortiq daromad keltirgan.
Foto: AP Photo / Alex Brandon
The New York Times gazetasi AQSh prezidenti Donald Trampning Buyuk Britaniya, Irlandiya va Xitoyda hisobraqamlari borligini aniqladi.
Hujjatlarga ko‘ra, Xitoydagi hisobraqamni Trump International Hotel Management LLC kompaniyasi nazorat qiladi. Kompaniya 2013 yildan 2015 yilgacha 188 ming dollar soliq to‘lagan.
Tashkilot yuristi Alan Gartenning izoh berishicha, kompaniya Xitoy bankidagi hisobraqamini biznes yuritish qulay bo‘lishi uchun ochgan. Tramp prezidentlik kampaniyasiga qadar bu mamlakatda mehmonxonalar ochishni mo‘ljallagan, ammo keyinchalik loyiha muzlatilgan.
"2015 yildan buyon birorta ham kelishuv tuzilmagan, pul o‘tkazmalari amalga oshirilmagan, ofis ishlamayapti. Bank hisobraqami yopilmagan bo‘lsa-da, undan foydalanilmayapti", — deb qo‘shimcha qilgan yurist.
Shu bilan birga, Xitoydagi bir nechta korxona Tramp tashkilotiga tegishli. Birgina THC China Development korxonasi 2017 yilda 17 million dollardan ortiq daromad keltirgan.
Tramp avvalroq AQSh prezidenti saylovidagi raqobatchisi Jozef Baydenni Xitoyga yon bosishda ayblagandi.
Mavzuga oid
23:04
Xitoy qutb suvlarida suzishga qodir dunyodagi eng yirik yuk tashuvchi kemani sinovdan o‘tkazdi
21:52
Xitoyda 2027 yil oxiriga borib 5G aloqa tarmog‘idan foydalanuvchilar ulushi 85 foizga yetkaziladi
17:07
Xitoyning O‘zbekiston bilan savdo aylanmasi hajmi kamaydi
23:24 / 23.12.2024