13:56 / 25.10.2020
6000
Марказий Осиё халқаро институтига директор тайинланди

Президент Администрацияси шўъба мудири Анвар Носиров фаолиятини янги ташкил этилган Марказий Осиё халқаро институти директори лавозимида давом эттиради.

Архив фото: Ташқи ишлар вазирлиги

Президент фармойишига асосан, Анвар Жамолиддинович Носиров Марказий Осиё халқаро институти директори этиб тайинланди. Бу ҳақда Адлия вазирлигининг «Ҳуқуқий ахборот» каналида хабар қилинди.

Анвар Носиров бунга қадар Президент Администрациясининг Ижро этувчи аппарати Ташқи сиёсат ва иқтисодий ҳамкорликни кенгайтиришни ахборот-таҳлилий таъминлаш шўъбаси мудири лавозимида ишлаган. Бундан аввал эса Ташқи ишлар вазирлиги тизимида масъул лавозимларда, хусусан, вазир ўринбосари сифатида фаолият кўрсатган; Ўзбекистоннинг Шанхай Ҳамкорлик Ташкилотидаги доимий вакили, ШҲТ бош котиби ўринбосари бўлган.

Маълумот учун, Марказий Осиё халқаро институти 2020 йил августида президент қарори асосида ташкил этилган.

Top