16:09 / 02.11.2020
5123
Ўзбекистонда ҳар 100 та хўжаликка қанча мобил телефон тўғри келиши маълум қилинди

2020 йилнинг январь-сентябрь ҳолатига, Ўзбекистондаги уй хўжаликлари танлама кузатувлари маълумотларига асосан 100 та уй хўжалигига тўғри келадиган мобил телефонлар сони 285 тани ташкил этмоқда. Бу ҳақда Давлат статистика қўмитаси ахборот хизмати хабар берди. 

Бу ҳар бир оила учун 2,8 тадан мобил телефон тўғри келишини англатади.

Маълумот учун: 2010 йилда ҳар 100 та хўжалик учун ушбу кўрсаткич 145 тани, 2015 йилда 234 тани ташкил этган.

Top