Saudiya Arabistonida ilk bor “Formula-1” bosqichi o‘tkaziladi 

Ushbu bosqich 2021 yil noyabrida Jidda shahri ko‘chalarida tungi vaqtda o‘tkaziladi.

“Biz Saudiya Arabistonini “Formula-1”da qarshilashdan xursandmiz. Saudiya Arabistoni tez sur'atlarda dunyo sporti va ko‘ngilochish markazlaridan biriga aylanmoqda. Bu yerda oxirgi yillarda ko‘plab yirik tadbirlar o‘tkazilgan. Keyingi yildan bu yerda “Formula-1” poygalari o‘tkazilishidan mamnunmiz. Bu mintaqa biz uchun juda muhim. Saudiya Arabistoni aholisining 70 foizini 30 yoshdan kichiklar tashkil qilishi hisobga olinsa, biz “Formula-1”ga yangi muxlislarni jalb qilishdan, butun dunyodagi tomoshabinlarimizga esa boy tarixga ega joyda o‘tkaziladigan qiziqarli poygalarni namoyish qilishdan xursandmiz”, deb ta'kidlab o‘tgan poygalarning ijrochi direktori Cheyz Keri.

“Formula-1”da Bahrayn va Singapur bosqichlari ham tungi vaqtda o‘tkaziladi. 

Ayni vaqtda “Formula-1”ning keyingi mavsum uchun poygalar jadvali hali e'lon qilinmagan, biroq poygalar rahbariyati uni yaqin orada e'lon qilishga va'da bergan.