00:11 / 23.11.2020
6174
АҚШда коронавирусга қарши эмлаш қачон бошланиши мумкинлиги маълум қилинди  
Фото: РИА "Новости"

АҚШда коронавирусга қарши эмлаш 11 декабрдан бошланиши мумкин. Бу санани АҚШ президенти Доналд Трампнинг вакциналар бўйича маслаҳатчиси Монсеф Слауи маълум қилди.    

Слауининг таъкидлашича, 10 декабрга АҚШнинг озиқ-овқат маҳсулотлари ва дори-дармонлар сифати бўйича санитар назорат бошқармасининг маслаҳатлашув қўмитаси йиғилиши белгиланган. У ушбу йиғилишда вакцина қўлланиши маъқуллангандан кейин 24 соат ичида уни эмлаш ўтказиладиган жойларга юбориш имкони пайдо бўлишига умид билдирган.

“Шу сабабли мен эмлаш вакцина маъқуллангандан икки кун ичида – 11 ёки 12 декабрда бошланишини кутмоқдаман”, деб таъкидлаб ўтган Трампнинг маслаҳатчиси.

Аввалроқ АҚШнинг Moderna фармацевтик компанияси бош директори Стефан Бансел компания ишлаб чиққан вакцинанинг нархини маълум қилган. Унинг таъкидлашича, вакцинанинг бир дозаси нархи Европа давлатлари учун буюртма ҳажмидан келиб чиқиб 25 доллардан 37 долларгача туради.  

Компаниянинг коронавирусга қарши вакцинаси mRNA-1273’нинг учинчи босқич синовлари вакцинанинг 94,5 фоизга самарали эканини кўрсатган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top