Ma’lum qilinishicha, 2021 yilning birinchi choragidan boshlab prezident farmoniga ko‘ra yaratilgan maxsus platforma orqali bir kunda 10 ming qadam yurgan shaxsning elektron hamyoniga 3 ming so‘m tushadi. Bu platforma Jismoniy tarbiya va sport vazirligi, Axborot texnologiyalar va kommunikatsiyalarini rivojlantirish vazirligi hamda Moliya vazirligi bilan hamkorlikda ishlab chiqilmoqda.
«10 ming qadam va undan ortiq yurgan shaxs qanday aniqlanadi?» degan savol tug‘ilishi mumkin. Bu ilova telefonda yuklanadi va onlayn tizimda ishlaydi. Mutaxassislar tomonidan bu platforma shunday yaratilyaptiki, shaxsga tegishli ma’lumotlar (ism-sharifi, bo‘yi, vazni, yoshi) kiritilgan holda ro‘yxatdan o‘tiladi. Ro‘yxatdan o‘tilgach start tugmasi bosiladi va 10 ming qadam va undan ortiq yurilsa, ma’lumot yaratilgan maxsus bazada ko‘rinadi. Shu ma’lumot asosida fuqaroning elektron hamyoniga mablag‘ kelib tushadi», — dedi Umid Rajabov.
