O‘tish o‘yini. «Andijon» Superligada, «Neftchi» Pro ligada qoldi

Superligaga o‘tish o‘yini doirasida Farg‘onada o‘tgan «Neftchi» - «Andijon» bahsida mehmonlar g‘alaba qozonib, Superligada qolish vazifasini uddalashdi.

Avvalgi o‘yindagi tartibsizliklar sababli farg‘onaliklar bu bahsda tarkibdagi katta yo‘qotishlar bilan yetib kelgan bo‘lishsa-da, uchrashuvda hisob ular tomonidan ochildi. 8-daqiqada Otabek Zokirov «Neftchi»ni hisobda oldinga olib chiqdi – 1:0.

Ammo 30-daqiqada Doniyor Abdumannopov hisobni tenglashtirgan bo‘lsa, 2 daqiqa o‘tib Farhod Sohibjonov chiroyli goli evaziga andijonliklarni hisobda oldinga olib chiqdi. 86-daqiqada esa Jamshid Homidov gol urib, o‘yin taqdirini hal etdi – 1:3.

«Neftchi» 2021 yilgi mavsumda ham Pro ligada qolgan bo‘lsa, «Andijon» Superligada qolishga muvaffaq bo‘ldi.

Superligaga o‘tish o‘yini. 15 dekabr
«Neftchi» - «Andijon» - 1:3
Farg‘ona, «Istiqlol» stadioni. Tomoshabinlarsiz.
Hakam: Ilgiz Tantashev (Buxoro)
Gollar: Otabek Zokirov 8 - Doniyor Abdummanopov 30, Farhod Sohibjonov 32, Jamshid Homidov 86.
«Neftchi»: 21. Farrux Turdaliyev, 4. Mirjalol Ne'matov, 7. Mansur Saidov, 9. Otabek Zokirov, 10. Islom Toshpo‘latov, 18. Javohir Rasulov, 20. Dilyor Ermatov, 34. Rustam Abduxamidov (31.Pavel Smolyachenko, 25), 38. Umar Adxamzoda, 44.Shodiyor Hojimatov, 94. Anvarjon Hojimirzayev.
«Andijon»: 16. Eldor Adhamov, 3. Azamat Isroilov, 4. Farhod Mirahmatov, 5. Xushnudbek Avilov, 6. Baxtiyorjon Qosimov, 8. Farhod Bekmurodov, 17. Abdulloh Olimov (11. Siroj Meliyev, 70), 22. Usmonali Ismonaliyev, 25. Qahramon Bahodirov (99. Jamshid Homidov, 70), 28. Farhod Sohibjonov, 33. Doniyor Abdumannopov.